Advertisement
 
 
 
 
 
 
 
 

Amakuru | Mu Mahanga

Perezida Kagame yagarutse ku nyungu z’umuyoboro mugari w’itumanaho   

  Yanditswe na NTAWITONDA JEAN CLAUDE
 September 2016

 
 

Perezida Paul Kagame yayoboye inama ya Komisiyo ya Loni ishinzwe guteza imbere Umuyoboro Mugari w’itumanaho ku cyumweru, aho yitabiriye Inteko rusange y’Umuryango w’Abibumbye yatangiye kuri uyu wa mbere tariki 19 Nzeri 2016, ihuje abayobozi b’ibihugu 193.

Ubwo yayoboraga iyi nama ku cyumweru tariki 18 Nzeri, Perezida Kagame yagaragaje uburyo ibihugu bikiri mu nzira y’amajyambere byakungukira cyane ku ikwizwa ry’umuyoboro mugari w’itumanaho (broadband).

Yashimangiye ko ibi bihugu bigomba gukanguka bigakora cyane kandi bikimakaza ibikorwa byuje ubuhanga kugira ngo bibashe kugendera ku mujyo umwe n’ibihugu byateye imbere mu kubyaza amahirwe umuyoboro mugari w’itumanaho n’impinduramatwara mu ikoranabuhanga.

Perezida Kagame yagize ati “Intego mpuzamahanga zitanga amahirwe adufasha kwibanda ku birenze guhuza abaturage, guhanga udushya, guhindura imibereho n’iterambere. Umuyoboro mugari ntiwakemura ibibazo byose by’isi ariko ushobora kongera ingufu mu rugendo rwo kurenga inzitizi ku burumbuke.

Yasoje asaba abakomiseri kutazabura mu nama mpuzamahanga ya Transform Africa itegerejwe i Kigali guhera tariki ya 19 kugeza kuya 21 mu kwezi gutaha k’Ukwakira 2016.

Nyuma yo kwitabira Inteko rusange y’Umuryango w’Abibumbye, Perezida Kagame yatangaje ko iki cyumweru azagikoramo ibikorwa bitandukanye abicirishe ku rukuta rwe rwa twitter.

Biteganyijwe ko atanga ikiganiro kuri uyu Kabiri tariki 20 Nzeri muri Kaminuza ya Yale iherereye mu Mujyi wa New Haven muri Leta ya Connecticut mu gikorwa ngarukamwaka kizwi nka ‘Coca-Cola World Fund Lecture’.

Kuwa 24 Nzeri Perezida Kagame azahurira n’Abanyarwanda n’inshuti zabo muri Hotel ya Marriott Marquis muri Leta ya California basangire mu munsi wahariwe Abanyarwanda ahazerekanirwa indangagaciro n’umuco Nyarwanda (Rwanda Cultural Day).

 

Comments

 
 
Intambara ishobora kuvuka kubera senateri wa USA watutse Kim Jong Un
Intambara ishobora kuvuka kubera senateri wa USA watutse Kim Jong Un

Koreya ya Ruguru yatangaje ko ishobora gushoza intambara kuri Leta Zunze Ubumwe za Amerika kubera Senateri John McCain watutse Perezida wayo, Kim Jong Un. McCain yavuze kuri Perezida Kim Jong (...)

U Buhinde: Abanyarwanda batsinze amarushanwa yo gukora imodoka ikoresha imirasire y’izuba
U Buhinde: Abanyarwanda batsinze amarushanwa yo gukora imodoka ikoresha imirasire y’izuba

Nubwo Kaminuza ya STES-Rwanda (Sinhgad Technical Education Society-Rwanda) iherereye mu Karere ka Kicukiro iri mu zahagaritswe by’agateganyo na Minisiteri y’Uburezi zitujuje ibyangombwa, (...)

USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.