Advertisement
 
 
 
 
 
 
 
 

Amakuru | Mu Mahanga

Perezida Magufuli arya ibyo yatekewe n’umugore we gusa   

  Yanditswe na IMVAHO NSHYA
 June 2016

 
 

Perezida wa Tanzania, John Pombe Magufuli, aravugwaho kurya amafunguro yateguriwe n’umugore we gusa haba ari mu gihugu cyangwa mu ngendo zo mu mahanga yirinda abashaka kumugirira nabi.

BBC ivuga ko n’iyo ari muri perezidansi afungura ibyo yatekewe n’umugore we mu rwego rwo kwirinda ibitero by’abanzi baturuka hanze.

Mu kiganiro n’ikinyamakuru Financial Times uyu mugabo watangiye kuyobora Tanzaniya mu mpera za 2015, yanga abamuvugiramo a ndetse ko uburyo ayoboramo bwamukururiye abanzi akaba agomba kubafatira ingamba zikarishye.

JPEG - 128.2 kb
Perezida wa Tanzania, John Pombe Magufuli

Mu rugendo rwa mbere yagiriye hanze ya Tanzania kuva yajya ku butegetsi, aje mu Rwanda muri Mata 2016, yahisemo kuza n’imodoka aho kuza n’indege ye y’akazi. Ibi hari ababifashe nko kwanga gusesagura abandi bakemeza ko yabitewe no kwirinda.

Kuva perezida Magufuli yatangira kuyobora, yashyizeho ingamba zikomeye zo gukumira isesagura ry’umutungo w’igihugu.

Yabujije abayobozi bakuru ba Leta kugenda mu myanya y’indege ihenze, anabasaba kugabanya umubare w’abakozi bajya mu nama mu mahanga.
Magufuli kandi yagabanyije umushahara w’abakozi bamwe barimo abaminisitiri, avuga ko bahembwa menshi ugereranyije n’ibyo bakora.

Uyu mugabo yanatangije urugamba rwo guhangana na ruswa, abakozi benshi barirukanwa abandi bafungirwa kunyereza umutungo w’igihugu.

Izo ngamba zose zatumye bamwe mu banyapolitiki bamwijundika bavuga ko yagize igihugu akarima ke, bamushinja gufata ibyemezo ahubutse nta n’umwe agishije inama.

Aha ni ho ibinyamakuru bimwe bihera bitangaza ko Magufuli afite abanzi benshi mu gihugu, ari nayo makenga agira agatekerwa n’umugore we gusa.

Ku rundi ruhande ariko Magufuli yagiye ashimwa ku rwego mpuzamahanga nk’umukuru w’igihugu uzanye impinduka zifatika mu gihugu cyari cyaramunzwe na ruswa n’ubundi bucabiranya.

 

Comments

 
 
Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Koreya: Abakomando ba USA bishe Bin Laden bazitabira imyitozo yo guhirika Kim Jong Un
Koreya: Abakomando ba USA bishe Bin Laden bazitabira imyitozo yo guhirika Kim Jong Un

Itsinda ry’abasirikare ba kabuhariwe bagabye igitero cyahitanye Osama Bin Laden, wari umuyobozi wa Al-Qaeda, “Seal Team 6” rizitabira imyitozo ya gisirikare izahuza USA na Koreya y’Epfo muri uyu (...)

Burundi: Abanyeshuri 4 batawe muri yombi bazira gutemberera mu Rwanda
Burundi: Abanyeshuri 4 batawe muri yombi bazira gutemberera mu Rwanda

Abanyeshuri bane bo muri komini Busiga mu ntara ya Ngozi mu Burundi ku ya 5 Werurwe 2017 batawe muri yombi bajyanwa ahantu hatazwi bazira kuba baherutse gutemberera mu Rwanda. Radiyo RPA ivuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.