2017-05-26 15:17:06 clouds 27o High | Kigali Rwanda

Dukurikire:
 
 

Ubuhamya: Ngenzi yategetse Interahamwe kwica Abatutsi mbere yo kurya ibyabo

Yanditswe na IMVAHO NSHYA

Kuya 2016-06-16 04:19:28

 
Share on:
 
Yasuwe:1
 
Yavuzweho:200
 
10
 
10

Umutangabuhamya Paul Ngirabanzi, yashinje Octavien Ngenzi ukurikiranweho uruhare muri Jenoside yakorewe Abatutsi mu 1994 kuba ari we watanze amategeko yo kwica Abatutsi mu cyari Komini Kabarondo, Perefegitura ya Kibungo.

Ngirabanzi wari ufite imyaka 22 ubwo Jenoside yatangiraga, yari umwe mu Nterahamwe zo muri Kabarondo. Yakatiwe gufungwa imyaka icyenda kubera uruhare yagize mu bwicanyi.

Ku ya 14 Kamena yumvishwe mu rukiko rwihariye rwa Paris aho yashinjaga Octavien Ngenzi wahoze ari burugumesitiri we, ukurikiranweho ibyaha bya Jenoside n’ibyibasiye inyokomuntu.

JPEG - 16.6 kb
Ngenzi n’umwunganizi we

Uyu mutangabuhamya avuga ko ku ya 8 Mata 1994 yari muri komini ya Rubira ubwo Interahamwe zari ziri kubaga ihene z’Abatutsi, ngo nibwo yumvise burugumesitiri Ngenzi abaza izo nsoresore impamvu ziri kurya ihene kandi ba nyirazo “bakiriho.”

Abajijwe n’umushinjacyaha niba ibyo byari ukubakangurira ubwicanyi, Ngirabanzi yasubije ko ari byo kandi ko na nyuma yaho ku ya 13 Mata yabonye Ngenzi ari ku kigonderabuzima ubwo bahotoraga inkomere zari zikirimo akuka.

Ati” Twakurikizaga amategeko yaduhaga. Yari abifitiye ubushobozi.”

Ngirabanzi avuga ko yagize uruhare mu gutaba mu byobo byari hafi ya paruwasi imibiri y’abaguye muri kiliziya ya Kabarondo .

Ati” Abari bagihumeka ariko badashobora kwivana mu mwobo kuko nta rutege twabasigaga aho cyangwa tukabarangiza. Twabakubitaga ubuhiri cyangwa imihoro.”

Jeune Afrique ivuga ko nyuma y’ibibazo byinshi Me Francoise Mathe, uburanira Ngenzi, yamubajije, umutangabuhamya Ngirabanzi yasoje avuga ko muri rusange uyu mugab wa burugumesitiri yatereranye Abatutsi bakicwa kandi yarashoboraga kubatabara.

Ati” Iyo uri umuyobozi ntugire icyo ukora abantu bicwa , uba wabatereranye.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE