2017-12-12 14:14:08 clouds 27o High | Kigali Rwanda

Dukurikire:
 
 

Papa Francis yasubitse uruzinduko yateganyaga muri Sudani y’Epfo

Yanditswe na IMVAHO NSHYA

Kuya 2017-05-30 10:55:56

 
Share on:
 
Yasuwe:207
 
Yavuzweho:200
 
10
 
10

Umushumba wa Kiliziya Gatolika, Papa Francis yasubitse uruzinduko yateganyaga muri Sudani y’Epfo mu mpera z’uyu mwaka kubera impungenge z’umutekano w’icyo gihugu cyashegeshwe n’intambara.

Papa Francis yashakaga gusura Sudani y’Epfo ari kumwe n’Umuyobozi w’Itorero ry’Abangilikani Justin Welby.

Umuvugizi wa Vatikani, Greg Burke yavuze ko urwo rugendo rukiri mu migambi ariko ntiruzabe vuba nk’uko byari biteganyijwe.

Ikinyamakuru National Catholic Reporter, kivuga ko amakuru yageze kuri Francis ko umutekano we utazaba wifashe neza nasura Sudani y’Epfo, akabanza kwanga gusubika urwo ruzinduko ariko nyuma akaza kubyemera by’amaburakindi.

JPEG - 69.6 kb
Papa Francis ubwo yasuraga Kenya muri 2015

Sudani y’Epfo nicyo gihugu gishinzwe vuba ku Isi, kuko cyabayeho nyuma y’ubwigenge cyabonye cyigobotoye Sudani muri 2011.

Cyaranzwe n’imvururu zishingiye kuri politiki kuva muri 2013, ubwo Perezida Salva Kiir yashwanaga na Riek Machar wari umwungirije hakavuka intambara imaze guhitana ababarirwa muri 300 000 naho miliyoni 3 bakaba baravuye mu byabo.
Papa Francis yateganyaga ko nasura Sudani y’Epfo azakora iyo bwabaga agasaba ko impande zihanganye zigirana ibiganiro by’amahoro nk’uko yabikoze muri 2015 muri Centrafrique.

Nibwo bwa mbere abayobozi ba Kiliziya Gatolika n’Itorero ry’Abangilikani bari kuzaba bagiranye uruzinduko mu mahanga. Muri uku kwezi, abayobozi baturutse i Vatikani basuye Sudani y’Epfo ngo barebe ko uruzinduko rwa Papa Francis ruzashoboka.

Basanze serivisi zibonekayo zibarirwa ku ntoki, dore ko n’ikibuga cy’indege cya Juba indege ya Papa yari kumanukiraho ari gito kandi kikaba kigizwe n’imihanda y’itaka irimo ibyondo n’imbaho.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE