2017-07-27 14:29:24 clouds 27o High | Kigali Rwanda

Dukurikire:
 
 

Netanyahu aranyomoza ibihuha bivuga ko yari agiye kwicirwa muri Afurika

Yanditswe na IMVAHO NSHYA

Kuya 2016-07-07 11:32:49

 
Share on:
 
Yasuwe:2
 
Yavuzweho:200
 
10
 
10

Minisitiri w’Intebe wa Isiraheli, Benjamin Netanyahu, wavuye mu Rwanda ejo hashize yatangaje ko yatunguwe no kumva hari ibinyamakuru byinshi by’Abarabu byanditse ko yari agiye kwicirwa muri Kenya.

Kuva mu ntangiriro z’iki cyumweru, Netanyahu yari mu ruzinduko rw’akazi mu bihugu bine bya Afurika birimo Uganda, Kenya, u Rwanda na Ethiopia.

Ibinyamakuru bitandukanye birimo Al-Jarida yo muri Kuwait, byatangaje ko yagabweho igitero muri Kenya buracya aza mu Rwanda.

Icyo kinyamakuru kivuga ko gifite amakuru yizewe y’uko ubuyobozi bwa Kenya bwahinduye umuhanda Netanyahu n’abamuherekeje bagombaga gucamo bajya muri hoteli, ngo kuko wari watezwemo igisasu.

JPEG - 97.4 kb
Benjamin Netanyahu asuhukanya n’igisirikare cya Kenya

Amakuru akomeza avuga ko icyo gisasu cyateguwe n’igisirikare kitaraturika ndetse ko hatawe muri yombi babiri bakekwaho kugitega, byongeye, ngo ubuyobozi bwa Kenya bwatangiye iperereza ku baba barashatse kwivugana Netanyahu mu ruzinduko rwe rwa mbere muri Afurika.

Times of Israel ivuga ko kuri uyu wa kane Ibiro bya Minisitiri w’Intebe wa Isiraheli bwasohoye itangazo rivuga ko ayo makuru ari ibinyoma. Minisitiri Netanyahu we ubwe yavuze ko nta kintu na kimwe yigeze amenya kijyanye no kuba yashaka kwicwa ari mu ruzinduko muri Kenya.

Netanyahu yasuye Kenya ku wa Kabiri, avuye muri Uganda, yakomereje uruzinduko mu Rwanda, aho yaraye avuye agiye muri Ethiopia.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE