Advertisement
 
 
 
 
 
 
 
 

Amakuru | Mu Mahanga

Museveni yitiranyije Isiraheli na Palestine ari kwakira Minisitiri w’Intebe wa Isiraheli   

  Yanditswe na HERVE UGIRUMUKUNDA
 July 2016

 
 

Ubwo Perezida wa Uganda, Yoweri Museveni yakiraga Minisitiri w’Intebe wa Isiraheli, Benjamin Netanyahu ku mugoroba wo ku wa Mbere ku ya 4 Nyakanga 2016, yatunguye benshi yitiranya “Isiraheli” na Palestine umwanzi wayo ukomeye.

Ni mu ijambo ryanyuzwaga kuri televiziyo zitandukanye; Perezida Museveni yavugaga ku mubano wa Isiraheli n’ibihugu bya Afurika.

Yagarutse ku gitero cya Entebbe, aho ingabo kabuhariwe za Isiraheli zabohoye abagenzi bari mu ndege ya Air France bafatiwe bugwate ku kibuga cya Entebbe n’inyeshyamba z’Abanya-Palestine.

Museveni yabaye nk’uwibeshya ati” Icyo gikorwa kibabaje kimaze imyaka 40 kibaye cyahindutse ikindi igihango gihuza ‘Palestine’ na Afurika.”

Yongeye ati” Mvuze ikindi gihango hagati ya ‘Palestine’ na Afurika kuko hari hasanzwe hari ibindi bikorwa bibahuza.”

JPEG - 118.5 kb
Museveni yakira Minisitiri w’Intebe wa Isiraheli, Benjamin Netanyahu

Iri jambo ryakurikiwe n’ubutumwa bwinshi bw’abanya Uganda barakaye bibaza uwateguriye Museveni iryo jambo, ndetse abandi bakibaza niba uyu mukuru w’igihugu usheshe akanguhe ari gutekereza neza muri iyi minsi.

Abanya Isiraheli nabo ntibatanzwe, kuri Twitter bijujuse bavuga ko ijambo rya Museveni ridafututse.

Radiyo ya Leta ya Isiraheli yahise ivanaho ijambo rya Museveni ritararangira.
Minisitiri w’Intebe wa Isiraheli yagiriye uruzinduko rw’amateka ku mugabane wa Afurika. Nyuma ya Uganda arasura Kenya, Ethiopia n’u Rwanda.

 

Comments

 
 
Papa Francis ati ‘Umukirisitu w’indyarya arutwa n’uhakana ko Imana ibaho”
Papa Francis ati ‘Umukirisitu w’indyarya arutwa n’uhakana ko Imana ibaho”

Umushumba wa Kiliziya Gatolika, Papa Francis yanenze bamwe mu bayoboke b’idini rye birirwa baririmba ko ari abakirisitu ariko bagakora ibibi avuga ko barutwa n’abahakana ko Imana ibaho. Mu isomo (...)

USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Zimbabwe: Robert Mugabe yujuje imyaka 93, ashimangira ko azongera kwiyamamaza
Zimbabwe: Robert Mugabe yujuje imyaka 93, ashimangira ko azongera kwiyamamaza

Perezida wa Zimbabwe, Robert Mugabe yujuje imyaka 93 kuri uyu wa 21 Gashyantare 2017, avuga ko aziyamamaza mu matora y’imukuru w’igihugu ateganyijwe mu mwaka utaha. Mu kiganiro yagiranye na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.