Advertisement
 
 
 
 
 
 
 
 

Amakuru | Mu Mahanga

Malawi: Perezida w’abatavuga rumwe na Leta ashinjwa ruswa y’Abanyarwanda   

  Yanditswe na HERVE UGIRUMUKUNDA
 April 2016

 
 

Uwahoze ari Minisitiri w’Umutekano w’Imbere muri Malawi, Uladi Mussa, arashinjwa kwakira ruswa y’Abanyarwanda benshi bashaka ubwenegihugu.

Uladi, kuri ubu uyoboye ishyaka People’s Party ritavuga rumwe na Leta, ryashinzwe n’uwari Perezida Joyce Banda, ashinjwa gukoresha nabi ububasha yari afite ubwo yari minisitiri kuva mu Gushyingo 2012 kugeza mu 2014 akakira ruswa nyinshi z’Abanyarwanda baba muri Malawi mu buryo butemewe.

Polisi ya Malawi ivuga ko uwo mugabo yakiriye ruswa y’Umunyarwanda witwa Eric Banyana. Uyu ngo yasabiye ubwenegihugu umugore we Kandenzi Alufongwa n’abana be Eric Havugineza na Angelique M. Eric ariko yongeraho n’abandi bantu batandatu badafite aho bahuriye n’umuryango we.

JPEG - 120 kb
Uladi Mussa ashinjwa gutanga ubwenegihugu mu buryo butemewe n’amategeko

Ikinyamakuru Malawi Voice kivuga ko abo bantu bandi batari bemerewe gusabirwa ubwenegihugu na Banyana cyane ko bari barengeje imyaka y’ubukure kandi batari no mu muryango we, kuko amategeko yo muri Malawi agena ko umuntu wujuje imyaka y’ubukure yisabira ubwenegihugu.

Abo bandi ni Lucia Kamagaju w’imyaka 32, Davis Mbabazi (38) Agnes Gakuri (33), Juvenal Ndatinya (49), Francisco Habimana (25) na Phocas Nikwigize w’imyaka 45.

Polisi ishinja Uladi wari Minisitiri kuba yarahaye ubwenegihugu abo bose, nyuma yo kurya ruswa ya batandatu barengaho.

Uyu mugabo we avuga ko nka minisitiri, atari afite ubushobozi bwo gutanga ubwenegihugu wenyine kuko nawe yakurikizaga amabwiriza aturutse mu Kigo cy’Abinjira n’Abasohoka.

Nubwo abihakana, niwe uzibandwaho mu iperereza Ikigo cy’Abinjira n’Abasohoka cya Malawi kigiye gukora kuri ruswa isa nk’aho yamunze icyo gihugu mu gutanga ibyangombwa bigenerwa abanyamahanga n’ubwenegihugu.

Abaturage ba Malawi kandi bamaze iminsi binubira ubwiyongere budasanzwe bw’Abanyarwanda n’Abarundi mu mijyi y’icyo gihugu, bakibaza uburyo babonamo ubwenegihugu, ibyangombwa by’ubutaka n’iby’ubucuruzi bitabagoye.

Ni nyuma y’aho muri Zambia insoresore zigaragambije zigacucura amaduka y’Abanyarwanda. Abigaragambya bavuga ko bashinja abanyamahanga barimo Abanyarwanda ubwicanyi bushingiye ku bupfumu.

 

Comments

 
 
Zimbabwe: Bababajwe no kubona Mugabe arya ifiriti zo muri Amerika kandi yaraziciye mu gihugu
Zimbabwe: Bababajwe no kubona Mugabe arya ifiriti zo muri Amerika kandi yaraziciye mu gihugu

Abantu batandukanye bagaragaje uburakari batewe no kubona wa Zimbabwe Perezida Robert Mugabe afungura ifiriti zitwa Lays zikorerwa muri Leta Zunze Ubumwe za Amerika kandi aherutse kubuza (...)

USA: Abapfumu bahuriye hamwe mu mihango yo kuroga Perezida Donald Trump
USA: Abapfumu bahuriye hamwe mu mihango yo kuroga Perezida Donald Trump

Abapfumu baturutse hirya no hino ku Isi, ku wa Gatanu bahuriye mu mujyi wa New York, imbere y’inyubako ‘Trump Tower’ ya Perezida wa Leta Zunze Ubumwe za Amerika, Donald Trump, mu muhango wo kumuroga (...)

Papa Francis ati ‘Umukirisitu w’indyarya arutwa n’uhakana ko Imana ibaho”
Papa Francis ati ‘Umukirisitu w’indyarya arutwa n’uhakana ko Imana ibaho”

Umushumba wa Kiliziya Gatolika, Papa Francis yanenze bamwe mu bayoboke b’idini rye birirwa baririmba ko ari abakirisitu ariko bagakora ibibi avuga ko barutwa n’abahakana ko Imana ibaho. Mu isomo (...)

USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.