Advertisement
 
 
 
 
 
 
 
 

Amakuru | Mu Mahanga

Madagascar: Babiri bapfiriye mu kwizihiza isabukuru y’ubwigenge   

  Yanditswe na BIRORI ERIC
 June 2016

 
 

Abataramenyekana bagabye ibitero bya gerenade ku mbaga yizihizaga isabukuru y’ubwigenge muri Stade ya Mahamasina mu mujyi wa Antananarivo muri Madagascar ku cyumweru, bihitana abagera kuri babiri abandi 84 barakomereka.

Iyo sitade yari yabereyemo imyiyereko ya gisirikare yo kwizihiza uyu munsi mu masaha y’igitondo. Polisi y’icyo gihugu mu ijoro ryakeye yatangaje ko ibyo bitero byahitanye abagera kuri babiri bari mu kigero cy’imyaka 16 na 18.

Umuyobozi ushinzwe ubutasi muri polisi ya Madagascar, Anthony Rakotoarison, yatangarije AFP ko icyo gikorwa gisa nk’igishingiye ku iterabwoba.

Perezida wa Madagascar Hery Rajaonarimampianina,waraye ageze mu bitaro biri kwita ku nkomere yirinze kugira byinshi atangaza ku bagabye iki gitero kuko iperereza rigikomeje.

Gusa mu ijambo ryanyuze kuri Televiziyo y’igihugu uyu muyobozi yagize ati “Kutumvikana ni bintu bishobora kubaho hagati yacu. Ariko igikorwa bihungabanya umutekano ntibikwiye kubaho. Niba ubuyobozi buriho butagushimishije ntibiguha uburenganzira bwo kwica abaturage”

Yakomeje agira ati “Nituzigera twihanganira abahungabanya umutekano. Gusa mu bigaragara iki gikorwa si igihungabanya umutekano ahubwo ni igikorwa cy’iterabwoba riganisha ku bwicanyi…Ndasaba abaturage kwiha inshingano zo guhangana n’iki kibazo.Ndabasaba kandi umutuzo kuko ntitwasubirisha imvururu izindi, ahubwo amategeko akwiye kubahirizwa”.

Muri iki gihugu ibitero nk’ibi byaherukaga muri 2014 aho byahitanye umuntu umwe abandi 40 bagakomereka, nabyo byabereye mu muhanda uzengurutse iyi stade n’ubwo hatamenyekanye abari babyihishe inyuma.

 

Comments

 
 
Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Zimbabwe: Robert Mugabe yujuje imyaka 93, ashimangira ko azongera kwiyamamaza
Zimbabwe: Robert Mugabe yujuje imyaka 93, ashimangira ko azongera kwiyamamaza

Perezida wa Zimbabwe, Robert Mugabe yujuje imyaka 93 kuri uyu wa 21 Gashyantare 2017, avuga ko aziyamamaza mu matora y’imukuru w’igihugu ateganyijwe mu mwaka utaha. Mu kiganiro yagiranye na (...)

Kirehe:Batewe impungenge n’utukoko twibasiye amasaka bahinze
Kirehe:Batewe impungenge n’utukoko twibasiye amasaka bahinze

Abaturage bo mu kagari ka Munini, umurenge wa Mahama mu karere ka Kirehe barasaba ubuyobozi kubakorera ubuvugizi bakabona umuti w’udukoko twibasiye amasaka bahinze, kuko ari kumera yagera hejuru (...)

Gambia : Perezida Barrow yarekuye imfungwa za politiki
Gambia : Perezida Barrow yarekuye imfungwa za politiki

Perezida wa Gambia, Adama Barrow, yatanze amabwiriza yo kurekura imfungwa zose zari muri gereza zitaraburanye kubera igitugu cya Yahya Jammeh. Mu ijambo yavuze ku wa Gatandatu w’icyumweru (...)

Umugore wa Trump yibasiwe azira gusoma isengesho rya ‘Dawe uri mu Ijuru’
Umugore wa Trump yibasiwe azira gusoma isengesho rya ‘Dawe uri mu Ijuru’

Benshi bibasiye Umufasha wa Perezida wa Leta Zunze Ubumwe za Amerika, Melania Trump bamuziza ko yasomeye isengesho rya Dawe uri mu Ijuru mu ruhame. Ku wa Gatandatu, Melania ari kumwe n’umugabo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.