2017-06-24 12:54:56 clouds 27o High | Kigali Rwanda

Dukurikire:
 
 

London: Umuturirwa wibasiwe n’inkongi benshi barapfa abasaga 50 barakomereka

Yanditswe na IMVAHO NSHYA

Kuya 2017-06-14 10:35:21

 
Share on:
 
Yasuwe:166
 
Yavuzweho:200
 
10
 
10

Abantu batandatu bamaze kwemezwa ko bapfuye abandi basaga 50 bajyanwa mu bitaro ubwo umuturirwa wo mu mujyi wa London wakongorwaga n’inkongi y’umuriro mu ijoro ryashyize.

BBC ivuga ko hari abantu bahiriye muri uwo muturirwa wa Grenfell Tower bagaragaye batabaza abandi berekana abana babo ngo batabarwe batarashya.

Abashinzwe kuzima inkongi bashoboye kurokora benshi muri bo ariko meya w’umujyi wa London, Sadiq Khan, yavuze ko hari benshi baburiwe irengero bikekwa ko bapfuye.

Komiseri wa Polisi ushinzwe ishami ryo kuzimya umuriro, Dany Cotton yasobanuye ko byanga bikunze hari benshi banegekariye muri iyo nyubako ariko bakaba bataratabarwa kubera ubunini bwayo n’uburyo yubatse.

Icyateye iyo nkongi ntikiramenyekana ; mu gitondo byasaga nk’aho umuriro uri guhosha ariko ngo wongera kwiganza , ku buryo hari impungenge ko iyo nyubako ishobora kugwa.

Kugeza ubu abashinzwe kuzimya inkongo basaga 250 bakomeje guhangana no kuzimya iyo nkongi ndetse n’inkeragutabara 100 ziri kugeza abakomeretse ku bitaro mu buryo bwihuse.

Umujyi wa London wari uherutse kwibasirwa n’igitero cy’iterabwoba mu ntangiriro z’uku kwezi ubwo intagondwa z’Abayisilamu zicaga abantu 8 abandi 48 bagakomereka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE