2017-06-25 11:03:04 clouds 27o High | Kigali Rwanda

Dukurikire:
 
 

Leta ya Tanzania yaciye icuruzwa ry’amavuta abobeza mu gitsina

Yanditswe na IMVAHO NSHYA

Kuya 2016-07-23 10:46:11

 
Share on:
 
Yasuwe:1
 
Yavuzweho:200
 
10
 
10

Leta ya Tanzania yaciye gutumiza mu mahanga no gucuruzwa amavuta abobeza mu gitsina mu rwego rwo guhangana n’ubutinganyi bukomeje kwiyongera muri icyo gihugu.

Minisitiri w’Ubuzima wa Tanzania, Ummy Mwalimu yasobanuye ko ayo mavuta atiza umurindi ubutinganyi kandi butemewe.

Ati” Nibyo, guverinoma yaciye kwinjiza ayo mavuta no kuyacuruza kugira ngo dukumire virusi itera SIDA. Imibare igaragaza ko 23% by’abagabo baryamana na bagenzi babo muri Tanzania bafite iyo virusi.”

Yongeyeho ati” Twategetse abafatanyabikorwa bakorana n’abatinganyi kuvana ayo mavuta ku isoko.”

JPEG - 176.9 kb
Amavuta abobeza mu gitsina ntiyemerewe gucuruzwa muri Tanzania

Minisitiri Mwalimu yabwiye AFP ko hari imiryango yahaga abatinganyi ayo mavuta ku buntu.

Ati” Twumvikanye n’iyo miryango ko izaduha amafaranga yagurwagamo ayo mavuta tukayakoresha mu kugura uburiri bwo mu byumba by’ababyeyi mu bitaro.”

Itegeko ryo muri Tanzania rihanisha ubutinganyi gufungwa burundu ariko abagore baryamana na bagenzi babo ntibarebwa naryo.

Mu myaka mike ishize ntabwo Leta ya Tanzania yigeze ivugwaho guta muri yombi abatinganyi.

Ariko muri uku kwezi umuyobozi wa Polisi mu mujyi wa Dar es Salaam, Paul Makonda yatangaje ko agiye guhiga bukware abatinganyi ndetse bamwe bakekwaho iyo ngeso batabwa muri yombi.

Nyuma y’itangazo rya Makonda, Abanyatanzaniya bamwe bemeraga ko ari abatinganyi ku mbuga nkoranyambaga, bahise barekeraho kuzishyiraho ubutumwa n’amafoto.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE