Advertisement
 
 
 
 
 
 
 
 

Amakuru | Mu Mahanga

Leta ya Magufuli yashyizeho ingamba zikarishye zo guhindura umujyi wa Arusha nka Kigali   

  Yanditswe na IMVAHO NSHYA
 3 months ago

 
 

Tanzania yafashe ingamba zo guhindura umujyi wa Arusha ugahiga Kigali kuba igicumbi cy’umutekano, isuku n’iterambere muri Afurika y’Uburasirazuba n’iyo hagati.

Komiseri w’Intara ya Arusha , Mrisho Gambo yashyizeho akanama kihariye gashinzwe kugeza ku rundi rwego umujyi wa Arusha.

Ku wa Kabiri yateranyije inama idasanzwe n’abafatanya bikorwa n’imiryango itegamiye kuri Leta bigira hamwe inzira bizanyuzwamo.

Hemejwe ko uwo mujyi uzashyirwamo camera mu nzira zawo zose zizajya zigenzurwa amasaha 24 iminsi yose nk’uko Daily News ibitangaza.

JPEG - 127.9 kb
Umujyi wa Arusha (Ibumoso) ushaka guhigika uwa Kigali (Iburyo) ukaba icyitegererezo mu karere

Gambo yasobanuye ko Arusha igomba kubakirwa izina ryubashywe kuko ari umujyi wakira abakerarugendo benshi, ukaba ucumbikiye imiryango myinshi mpuzamahanga, irimo n’Umuryango wa Afurika y’Uburasirazuba.

Yongeyeho ko inzira zose zizashyirwamo irondo rihoraho ry’abapolisi bazafatanya n’abaturage kugira ngo umutekano ube ntamakemwa.

Gambo ahamya ko umujyi wa Arusha ari wo usukuye kurusha iyindi muri Tanzania, kandi ko yiteguye kwereka amahanga ko Kigali itawurusha isuku n’umutekano.

Ati” Dukeneye kutajenjekera umutekano, uyu mujyi ucumbiye abaturage basaga 500 000 kandi wakira intamba mpuzamahanga nyinshi.”

Ubuyobozi bw’uyu mujyi bwashyizeho ingamba zo kwagura imihanda, kubaka inzira z’abanyamaguru no gushyiraho ubutabazi buhoraho kandi bwihuse.

Umujyi wa Arusha ukunze kugirirwamo ibiganiro bya politiki birebana n’ibihugu byo mu karere, niwo wabagamo Urukiko Mpuzamahanga rwashyiriweho u Rwanda, ICTR, urimo kandi urukiko Nyafurika rurengera Uburenganzira bwa muntu.

Uyu mujyi kandi urimo imiryango itegamiye kuri leta myinshi ikora mu kurwanya SIDA, kurengera abana no gufasha imishinga mito n’iciriritse.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ghana:  Havumbuwe abatekamutwe bari bamaze imyaka 10 batanga ibyangombwa bya USA
Ghana: Havumbuwe abatekamutwe bari bamaze imyaka 10 batanga ibyangombwa bya USA

Leta Zunze Ubumwe za Amerika yatangaje ko yamaze kuvumbura abatekamutwe bashinze ambasade yayo baringa mu gihugu cya Ghana, bari bamaze imyaka icumi batanga viza, impamyabumenyi n’ibyangombwa byo (...)

RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Perezida Kagame yitabiriye inama idasanzwe ya CEEAC muri Gabon
Perezida Kagame yitabiriye inama idasanzwe ya CEEAC muri Gabon

Perezida Paul Kagame na Madamu Jeannette Kagame bitabiriye inama idasanzwe y’abakuru b’ibihugu bigize Umuryango w’ubukungu bw’ibihugu byo muri Afurika yo hagati (CEEAC) i Libreville muri Gabon, kuri (...)

Burundi: Willy Nyamitwe yarokotse urupfu
Burundi: Willy Nyamitwe yarokotse urupfu

Umuyobozi ukuriye ishami ry’itumanaho muri Perezidansi ya Leta y’u Burundi, Willy Nyamitwe, yarokotse igitero cy’abashakaga kumwica ku wa mbere tariki 28 Uguahyingo. Amakuru dukesha BBC agaragaza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.