2017-08-22 09:34:31 clouds 27o High | Kigali Rwanda

Dukurikire:
 
 

Koreya ya Ruguru, itumvikana na USA, yerekanye ingufu zayo za gisirikare

Yanditswe na IMVAHO NSHYA

Kuya 2017-04-15 07:41:33

 
Share on:
 
Yasuwe:2776
 
Yavuzweho:200
 
10
 
10

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.”

Ni mu gihe hatutumba umwuka mubi hagati y’icyo gihugu na Leta Zunze Ubumwe za Amerika.

CNN ivuga ko amashusho yanyuze kuri televiziyo y’icyo gihugu yerekanye abasirikare bakora akarasisi hamwe n’ibifaru n’imbaga y’abaturage.

Perezida Kim Jong Un yagaragaye akoma amashyi mu gihe abasirikare bamuririmbiraga bagira bati “tuzagupfira.”

Hagaragaye kandi ubwato bwo munsi y’inyanja bwarashe ibisasu bya misile, herekanwa n’ibindi bisasu binini, bivugwa ko byaterwa ku wundi mugabane.

Impuguke mu by’intwaro ariko zivuga ko ibisasu byerekanwe mu karasisi atari nyabyo kuko nta gihugu kijya cyerekana ibisasu hafi y’umukuru wacyo kuko bishobora kumuturikana.

Ku ya 15 Mata, Koreya ya Ruguru yibuka umunsi w’amavuko w’uwayishinze Kim Il Sung , sekuru wa Kim Jong Un.

Uyu mwaka uwo munsi wabaye mu gihe ingabo za USA zoherejwe mu kigobe cya Koreya kubera impungenge ko Koreya ya Ruguru igerageza ikindi gisasu cya kirimbuzi.

Mu myiyerekano, Choe Ryong Hae, umwe mu bagize biro politiki y’Ishyaka ry’Abakozi rya Koreya ya Ruguru yagize ati “ USA niramuka idushotoye tuzahita dukoresha ingufu zisenya dufite. Twiteguye guhita dutangiza intambara no gukoresha ibisasu bya kirimbuzi igihe bibaye ngombwa.”

Urunturuntu rwatangiye kuva Kim Jong Un yatangaza mu ijambo ryo ku bunani ko agiye kugerageza ibisasu bya misile biraswa kure. Iryo geragezwa ryarakozwe ndetse ibisasu bimwe bigwa muri kilometero 300 uvuye ku nkombe y’u Buyapani.

Perezida wa USA Donald Trump yagiranye inama na mugenzi we w’u Bushinwa mu cyumweru gishize, amusaba gufatanya kurwanya Koreya ya Ruguru, nyuma yaho ariko ati “Koreya ya Ruguru irashaka akamunani. U Bushinwa nibudufasha bizaba ari byiza. Nibutabikora tuzikemurira ikibazo.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE