Advertisement
 
 
 
 
 
 
 
 

Amakuru | Mu Mahanga

Kiliziya Gatolika ikwiye gusaba imbabazi abatinganyi - Papa Francis   

  Yanditswe na HERVE UGIRUMUKUNDA
 June 2016

 
 

Papa Francis, yavuze ko Kiliziya Gatolika ayoboye ikwiye gusaba imbabazi abatinganyi kubera uburyo yabahaye akato mu gihe cyashize.

Ibi yabivuze ubwo yari avuye muri Armenia ku Cyumweru mu kiganiro yagiranye n’itangazamakuru ari mu ndege.

Umunyamakuru yamubajije niba yemeranya n’umwe mu bajyanama be uherutse gutangaza ko Kiliziya ikwiye gusaba imbabazi kubera yabahaye akato.

JPEG - 65.3 kb
Papa Francis mu kiganiro n’itangazamakuru avuye muri Armenia

Francis yibukije ko Kiliziya yigisha ko abatinganyi badakwiye kunenwa, ahubwo ko bagahawe icyubahiro bagafashwa mu buryo bw’umwuka.

Ati” Ntekereza ko Kiliziya ikwiye gusaba imbabazi … ku batinganyi yahohoteye n’abakene, abagore bashowe n’abana bashowe mu bucakara. “

Papa Francis yongeye gusubiramo imvugo ye yo mu 2013, ivuga ngo “ndi inde wo guca urubanza?”

Ati” Niba umuntu ari umutinganyi, ariko akaba afite ubushake bwo gukora icyiza, agashaka Imana, twe turi bande bo kumucira urubanza?”

Yongeyeho ati” Abakirisitu bagomba gusabira imbabazi ibintu byinshi, ntabwo ari uguha akato abatinganyi gusa.”

Aha yasaga nk’ugaruka ku kuba Kiliziya yarashyigikiye intambara mu myaka ya kera.

Abatinganyi benshi bakunze gushimira Papa Francis ko ari we usa n’ubagirira impuhwe ugereranyije n’abandi bashumba ba kiliziya bamubanjirije.

Ariko abagatolika batsimbaraye ku muco wa Kiliziya bamushinja kuvuga amagambo ajyanye n’ubuzima bw’imyororokere abangamira ukwemera kwabo.

Francis yakomeje agira ati” Hari imico n’imyumvire itandukanye ifite ukundi itekereza kuri iki kibazo, hari kandi n’imyigaragambyo y’abatinganyi irangwamo imvururu kuri bamwe.”

Mu bindi yabajijwe, yashimiye Papa Benoit XVI uri mu kiruhuko cy’izabukuru kuba amusengera buri munsi.

Yongeyeho ko yumvishe ko hari abayobozi ba kiliziya bagiye kumuregera Benoit XVI bavuga ko akabya kwirekura no kutagendera ku mahame ya Kiliziya.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Gambia: Yahya Jammeh  yashyize yemera gutanga butegetsi
Gambia: Yahya Jammeh yashyize yemera gutanga butegetsi

Yahya Jammeh yatangaje ko yemeye guharira ubutegetsi Adama Barrow, nyuma y’ibyumweru byinshi ateje imvururu akanga kwemera ko yatsinzwe amatora. Mu butumwa yanyujije kuri televiziyo y’igihugu (...)

Senegal yohereje ingabo  ku mupaka wa Gambia guhirika Perezida Jammeh
Senegal yohereje ingabo ku mupaka wa Gambia guhirika Perezida Jammeh

Igihugu cya Senegal cyashyize ingabo ku mupaka wa Gambia aho ziteguye guhirika Perezida Yahya Jammeh watsinzwe amatora akanga kuva ku butegetsi. Nubwo Senegal ari yo iyoboye igitero, iri kumwe (...)

Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.