2017-08-16 13:12:06 clouds 27o High | Kigali Rwanda

Dukurikire:
 
 

Kenya: Polisi yemerewe gupima mu mabuno y’abagabo bakekwaho ubutinganyi

Yanditswe na IMVAHO NSHYA

Kuya 2016-06-17 07:57:38

 
Share on:
 
Yasuwe:1
 
Yavuzweho:200
 
10
 
10

Urukiko Rukuru rwo muri Kenya rwanzuye ko Polisi y’icyo gihugu yemerewe gupima mu mabuno y’abagabo n’abasore bakekwaho ingeso y’ubutinganyi.

Ni nyuma y’uko abagabo babiri bareze Leta bavuga ko polisi yategetse ko bapimwa mu mabuno ku ngufu, bagasaba ko iryo pimwa rifatwa nk’iritemewe n’amategeko.

Ubwo yasomaga umwanzuro w’urukiko, umucamanza wo muri Mombasa Mathew Emukule yagize ati” Nta bundi buryo polisi yakoresha ngo imenye ko umuntu ari umutinganyi.”

Kuryamana kw’abahuje ibitsina ni icyaha muri Kenya, ufashwe ashobora gufungwa imyaka igera kuri 14.

JPEG - 33.2 kb
Ubutinganyi burahanirwa muri Kenya

Associated Press ivuga ko umucamanza yavuze ko gupima abakekwaho iyo ngeso atari iyicwarubozo cyangwa ivangura rishingiye ku gitsina.

Ati” Simbibonamo guhonyora ubusugire cyangwa ubuzima bwite bwa muntu.”

Umwunganizi w’abo bagabo babiri yavuze ko barajuririra icyo cyemezo. Hagati aho baracyaburana ikirego bashinjwamo gukora imibonano mpuzabitsina kandi bahuje igitsina.

Umuyobozi wa Komisiyo Iharanira Uburenganzira bw’Abaryamana bahuje Ibitsina muri Kenya, Eric Gitari yavuze ko uyu mwanzuro ari urucantege.

Ubushakashatsi buherutse gukorwa na Human Rights Watch (HRW) bwasanze benshi mu batinganyi bo muri Kenya bahohoterwa. HRW ivuga ko akenshi polisi irinda abatinganyi ariko ababahohoteye ntibatabwe muri yombi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE