Advertisement
 
 
 
 
 
 
 
 

Amakuru | Mu Mahanga

Kenya: Dr. Donald Kaberuka yagizwe Umuyobozi w’Ikigo cy’ishoramari Centum   

  Yanditswe na NTAWITONDA JEAN CLAUDE
 5 months ago

 
 

Umunyarwanda Dr Donald Kaberuka umaze kubaka amateka mu buyobozi bw’ibigo by’Imari muri Afurika yagizwe umuyobozi w’Ikigo cy’Ishoramari Centum gikomeye cyane muri Kenya.

Mu mwaka wa 2008 ni bwo Centum Investment Company Limited (Centum) yakomotse ku kigo cya Leta ya Kenya ‘Industrial Commercial Development Corporation Investment (ICDCI)’ . Iki kigo gisigaye gikomeye cyane ku Isoko ry’Imari n’Imigabane muri Kenya no muri Uganda kandi gifite intego yo gukomeza kwagura ishoramari muri Afurika.

Ikinyamakuru Daily Nation cyatangaje ko Dr Kaberuka yahawe kuyobora iki kigo ‘byihutitwa’ mu gihe mu kwezi gushize yari umwe mu bagize inama y’ubuyobozi bwacyo.

Uyu munyarwanda wayoboye Banki Nyafurika itsura Amajyambere (BAD) ahawe izi nshingano mu gihe Perezida wa Tanzania Pombe Magufuli aherutse kumushinga kuyobora akanama kagenzura imikoranire ya Guverinoma ayoboye n’abafatanyabikorwa bayo mu iterambere.

Dr. Donald Kaberuka

Bivugwa ko ari Dr. Kabeeruka ari umwe mu bagize uruhare rukomeye mu mirimo ijyanye n’ubukungu mu bigo bitandukanye nka Mandela Institute, Moi Ibrahim Foundation n’ibindi.

Dr Kaberuka ni yavutse tariki ya 5 Ugushyingo 1951mu cyahoze cyitwa Byumba (ubu ni mu karere ka Gicumbi. Ku myaka 8 gusa, Donald Kaberuka n’umuryango we bahungiye muri Tanzania ari naho yize amashuri ye aminuriza muri Kaminuza ya Dar es Salaam ahakura impamyabumenyi y’icyiciro cya kabiri mu bijyanye n’ubucurabwenge (philosophy).

Icyiciro cya gatatu cy’amashuri ya kaminuza, yacyigiye muri Kaminuza ya East Anglia mu Bwongereza mu bijyanye n’iterambere (Development studies) ahava yerekeza muri Kaminuza ya Glasgov muri Ecosse ari naho yavanye impamyabumenyi y’ikirenga mu bijyanye n’ubukungu (PhD in Economics).

Kuva mu mwaka wa 1987 yakoze mu bijyanye n’amabanki ndetse n’ubucuruzi mpuzamahanga mu gihe kigera ku myaka 10.

Mu 1997 Dr Donald Kaberuka yagizwe Ministiri w’Imari n’Igenamigambi mu Rwanda, mu gihe cy’imyaka agira uruhare rukomeye mu mu kubaka umusingi w’igihugu cyahereye ku busa nyuma ya jenoside yakorewe Abatutsi.

Mu 2005 ni bwo yatorewe kuyobora Banki Nyafurika Itsura Amajyambere, mu 2010 yongerwa indi manda bitewe n’ubuhanga yagaragaje muri manda ya mbere.

Mu 2013, yahawe igihembo “Daily Trust Award” gihabwa Umunyafurika w’umwaka wagize uruhare mu iterambere rya Afurika. Mu mwaka ushize wa 2015 nibwo Dr Kaberuka yasimbuwe ku buyobozi bwa AfDB.

 

Comments

 
 
Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.