2017-08-19 07:41:08 clouds 27o High | Kigali Rwanda

Dukurikire:
 
 

Kenya: Amb. Kimonyo yasobanuye uko u Rwanda rwigobotoye amateka mabi

Yanditswe na IMVAHO NSHYA

Kuya 2017-05-23 15:34:48

 
Share on:
 
Yasuwe:44
 
Yavuzweho:200
 
10
 
10

Ambasaderi w’u Rwanda muri Kenya, Kimonyo James yagaragaje urugendo u Rwanda rwanyuzemo kugira ngo rugere ku mahoro nyuma ya Jenoside yakorewe abatutsi mu 1994.

Yabivugiye mu kiganiro yagejeje ku bitabiriye inama mpuzamahanga yiga ku mahoro n’umutekano, yateguwe na Kaminuza ya Mount Kenya yabereye i Nairobi.

Yagize ati “Mbere y’ubukoloni muri Afurika, Abanyarwanda bavugaga ururimi rumwe kandi babana mu mahoro. Abakoloni bahageze, babaciyemo ibice kugira ngo babayobore, babashyira mu moko bagendeye ku masura, Abatutsi n’Abahutu. Nyuma ya 1962, Politiki ishingiye ku moko ibiba urwangano, ndetse no mu 1984 mbere ya Jenoside, sosiyete yacu icikamo ibice, itangazamakuru naryo rigira uruhare rukomeye mu kubiba urwango, ritangaza amakuru y’ibinyoma byagejeje ku Jenoside”.

Yakomeje agira ati “U Rwanda rwateye intambwe iganisha ku bumwe n’ubwiyunge no ku iterambere ry’ubukungu. Mu myaka ishize, Abanyarwanda baciye mu nzira ndende iganisha mu bumwe n’ubwiyunge.

Ibyihutirwaga Guverinema yakoze ni ibi bikurikira: Kuvana amoko mu byangombwa, hakorwa iperereza ku bakoze Jenoside, kubaka ubutabera hashyirwaho Inkiko Gacaca hagamijwe gutanga ubutabera bwihuse, kugarura umuganda mu rwego rwo gushyira imbaraga mu kubaka igihugu no kuzamura ubukungu.”

Uwashinze Kaminuza ya Mount Kenya mu Rwanda, Prof. Simon Gicharu, yasabye abayobozi n’abaturage gutekereza ku ngamba zo kurinda no kuganira ku mahoro.

Yagize ati “Kwiga ukaminuza nta bwo ari uguharanira inyungu gusa, ahubwo ni uguharanira impinduka cyane mu rubyiruko ruzavamo abayobozi b’ejo hazaza bahamye kandi bashobora guhindura abandi.

Isi itakaza miliyoni nyinshi z’amadolari mu makimbirane aho kuyakoresha mu bifite akamaro nk’uburezi nk’imwe mu nkingi y’iterambere yahindura isi nziza”.

Iyi nama yaganiraga ku mahoro n’umutekano, nka bimwe mu byashingirwaho abantu bagatera imbere.

UWIMANA DONATA

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE