Advertisement
 
 
 
 
 
 
 
 

Amakuru | Mu Mahanga

Kenya: Abarenga 370 bahagarariye u Rwanda mu myitozo ya gisirikare   

  Yanditswe na IMVAHO NSHYA
 2 months ago

 
 

U Rwanda ruserukiwe n’abasirikare, abapolisi n’abasivile bose hamwe 375, bayobowe na Brig Gen Aloys Muganga,mu myitozo ya gisirikare ihuje ibihugu by’Umuryango wa Afurika y’Iburasirazuba (EAC).

Aya mahugurwa yiswe “Ushirikiano Imara” yo kubungabunga amahoro yatangijwe kuri uyu wa gatanu tariki 11 Ugushyingo ahitwa Matuga, Mombasa na Minisitiri w’Ingabo za Kenya, Ambasaderi Raychelle Omamo.

Mu ijambo rye, Ambasaderi Omamo yavuze ko uyu ari umwanya wo kugira ngo ingabo zigize ibihugu bya EAC zisangire ubumenyi n’ubushobozi mu kubungabunga amahoro.



Yavuze ko bazitoza ibijyanye no kubungabunga amahoro, kurwanya ibiza, kurwanya iterabwoba no kurwanya abashimusi b’amato mu nyanja.

Ambasaderi Omamo yavuze ko iyi myitozo igamije kongerera ubushobozi bwo gukorera hamwe mu guhangana n’ibibazo by’umutekano mu karere.

Yashimye abayobozi b’Ingabo mu karere kuba barateguye abaza muri iyi myitozo kandi bakayishyigikira mu buryo bwose kugira ngo ishyirwe mu bikorwa.



Uwari uhagarariye Umunyamabanga mukuru wa EAC muri uyu muhango, Peter Kibuta yasobanuye ko iyi myitozo ikorwa mu rwego rw’amasezerano y’ubufatanye bw’ingabo zigize ibihugu bya EAC. Aya masezerano akaba avuga ko ibihugu bya EAC bigenda bisimburana mu kwakira iyi myitozo. Mu Rwanda iyi myitozo yahabereye muri 2011 na 2012 mu bigo by’amashuri ya gisirikare i Musanze na Gako.

Nyuma yo gufungura iyi myitozo, Umugaba Mukuru w’Ingabo z’u Rwanda zirwanira mu kirere wari waserukiye u Rwanda muri iki gikorwa yahuye n’Umutwe waserukiye u Rwanda aho bakambitse, hitwa Madibwani i Mombasa.

Nyuma yo kuzenguruka aho Ingabo zakoze ibirindiro, yashimye akazi keza zimaze gukora cyane cyane mu buryo aho bakambitse hateguwe neza n’ibindi bikorwa bagiramo uruhare kugira ngo imyitozo igende neza.Yabasabye gukomera ku ndangagaciro za RDF anabasobanurira ko igisirikare kirangwa n’umuco, guteganya no gushyira mu bikorwa ibisabwa.

Iyi myitozo yatangiye ku itariki 7 Ugushyingo ihuje abasirikare, abapolisi n’abasivile bose hamwe 2000 harimo aba Kenya, Burundi, U Rwanda, Uganda na Tanzaniya. Izasozwa tariki 18 Ugushyingo.



Mu myitozo ya Gisirikare irimo kubera muri Kenya, u Rwanda rwahagarariwe n'abarenga 370


 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Perezida Museveni yagize umuhungu we umujyanama wihariye mu bya gisirikare
Perezida Museveni yagize umuhungu we umujyanama wihariye mu bya gisirikare

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations). Ikinyamakuru The Star (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.