2017-05-29 15:01:40 clouds 27o High | Kigali Rwanda

Dukurikire:
 
 

ISIS yizihije umunsi mukuru wa Eid Al Adha ikata amajosi imfungwa

Yanditswe na IMVAHO NSHYA

Kuya 2016-09-13 14:39:25

 
Share on:
 
Yasuwe:7
 
Yavuzweho:200
 
10
 
10

Umutwe w’Intagondwa wa Leta ya Kiyisilamu, ISIS, wizihije umunsi mukuru w’iryo dini w’Igitambo, Eid al-Adha umanika imfungwa zawo ku mishito ukazica imitwe nk’amatungo.

Ni amashusho ISIS yashyize ahagaragara ku wa Mbere, yerekana abagabo bashinjwa kuba ba maneko ba Leta Zunze Ubumwe za Amerika bakebwa amajosi mu ibagiro ry’ahitwa Deir ez-Zor mu majyaruguru y’uburasirazuba bwa Syria.

Uwari uyoboye icyo gikorwa yambaye imyenda y’umweru n’umukara yagaragaye afata imfungwa ebyiri mu ntoki mbere yo kubica urw’agashinyaguro, hari n’aho bagaragara bamanitse ku mishito bategereje urwabo.

Ayo mashusho amara iminota cumi n’ibiri yerekana ubwicanyi bwa ISIS n’ibitero by’iterabwoba biherutse.

Harimo n’amafoto y’umunara wa Eiffel mu mujyi wa Paris n’amashusho yo mu mujyi wa Nice mu Bufaransa aho uyu mutwe uherutse guhitana imbaga.

Metro.co.uk ivuga ko ayo mashusho ya ISIS asa nk’ayerekana uko intagondwa z’Abayisilamu zizihije umunsi wa Eid al-Adha aho Abayisilamu basanzwe babaga amatungo arimo intama n’ihene inyama zigatekwa zigahabwa abatishoboye.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE