2017-07-23 11:30:24 clouds 27o High | Kigali Rwanda

Dukurikire:
 
 

ISIS yishe abarwanyi bashatse kuyitoroka ibatogosheje mu nkono

Yanditswe na IMVAHO NSHYA

Kuya 2016-07-06 07:35:18

 
Share on:
 
Yasuwe:3
 
Yavuzweho:200
 
10
 
10

Umutwe w’Intagondwa wa Leta ya Kiyisilamu, ISIS, wishe abarwanyi bawo barindwi bari bahunze imirwano yabereye ahitwa Sharqat mu ntara ya Salahuddin muri Irak ku wa Mbere.

Ibinyamakuru bitandukanye byo mu Cyarabu, bivuga ko abo barwanyi bajugunywe mu nkono nini z’amazi nyuma yo kubaboha amaboko n’amaguru.

Muri uwo mutwe uharanira gushinga ubwami bugendera ku matwara akarishye y’idini rya Islam, si ubwa mbere abarwanyi bashaka gutoroka bicwa.

JPEG - 89.5 kb
Leta ya Kiyisilamu yishe abarwanyi bashatse kuyitoroka ibatogosheje mu nkono

Muri kwezi gushize nabwo abarwanyi 19 bashatse gutoroka intambara mu gace ka al-Shuhada barishwe, nyuma yo gukatirwa urwo gupfa n’urukiko rwa ISIS.

Ikinyamakuru FNA kivuga ko bo bishwe barashwe isasu mu mutwe. Ubugome bwa Leta ya Kiyisilamu kandi bugaragarira mu gucuruza abakobwa bo mu bwoko bw’aba Yazidi bakagirwa abacakara b’ubusambanyi.

Umwe mu bakobwa bacurujwe yabwiye Daily Mail ko yafatwaga ku ngufu buri munsi n’intagondwa, nyuma yo kugurwa muri cyamunara y’amasugi.

Yongeyeho ko uretse kusambanwa umusubirizo no gukubitwa, banamumenaga amazi abira ku matako igihe atatse cyangwa ntabashimishe.

Uyu mutwe kandi muri iki cyumweru waciye umutwe umugabo ishinja gutuka idini rya Islam mu gace ka Raqqa muri Syria izo ntagondwa zimaze iminsi zarigaruriye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE