Advertisement
 
 
 
 
 
 
 
 

Amakuru | Mu Mahanga

Isiraheli yanze gutangaza amabanga y’intwaro yagurishije abakoze Jenoside   

  Yanditswe na Herve Ugirumukunda
 April 2016

 
 

Urukiko rw’ikirenga rwa Isiraheli rwateye utwatsi ubusabe bwo gushyira ahagaragara amabanga arebana n’intwaro icyo gihugu cyagurishije mu Rwanda mu gihe cya Jenoside yakorewe Abatutsi.

Ni nyuma y’ubusabe bw’umunyamategeko Eitay Mack n’Umwalimu muri Kaminuza Yair Auron, bashakaga ko minisiteri y’ingabo ya Isiraheli itanga amakuru afatika y’intwaro yagurishije mu Rwanda hagati ya 1990 na 1995.

Abo bagabo bavuga ko abaturage ba Isiraheli bakeneye kumenya niba igihugu cyabo cyaratanze intwaro zifashishijwe mu kwica inzirakarengane z’Abatutsi, byaba ngombwa Isiraheli igasaba u Rwanda imbabazi.

JPEG - 69.3 kb
Intwaro za Isiraheli zaba zarakoreshejwe muei Jenoside yakorewe Abatutsi

Urukiko rw’Ikirenga rwanzuye ko nubwo abaturage bafite uburenganzira bwo kumenya ayo makuru, hari izindi mpamvu zikomeye zirebana n’umutekano ndetse n’ububanyi n’amahanga zituma ayo mabanga agomba gukomeza kugirwa ibanga.

Umwanzuro w’urukiko uragira uti” Twasanze gutangaza amakuru ntacyo byamarira abaturage nk’uko ababisabaga babigaragazaga; ahubwo kubitangaza twamaze kubona ko byagira ingaruka ku mutekano n’ububanyi n’amahanga.”

Mack na Auron bashinja Leta ya Isiraheli kugurisha rwihishwa intwaro kuri Leta yakoze Jenoside mu gihe Akanama k’Umutekano kari kategetse ko nta gihugu cyongera kugurisha intwaro mu Rwanda.

Bati” Ibyegeranyo bitandukanye byagaragaje ko intwaro zagurishijwe mu Rwanda mu gihe cya Jenoside mu buryo butemewe n’amategeko mpuzamahanga, mu gihe Akanama k’Umetekano kari katanze akato.”

Bavuga ko urukiko rw’ikirenga rwafashe umwanzuro udafututse mu rwego rwo guhishira amakosa Isiraheli yakoze muri icyo gihe.

Mack yabwiye Press Tv ati” Ku bwacu, ubu ni ubwikanyize bwa Leta ya Isiraheli. Tuzakomeza gushyira ahagaragara ukuri ndetse no gushyikiriza ubutabera Abayisiraheli bagize uruhare mu bwicanyi bwabereye mu Rwanda.”

Bivugwa ko Isiraheli yagurishije intwaro zirimo imbunda, amasasu n’imipanga byakoreshejwe n’abasirikare n’Interahamwe, mu kwica Abatutsi hirya no hino mu gihugu mu 1994. Icyo gihe Akanama ka Loni kari kabujije ibihugu byose kugurisha intwaro mu Rwanda kubera Jenoside.

 

Comments

 
 
USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Zimbabwe: Robert Mugabe yujuje imyaka 93, ashimangira ko azongera kwiyamamaza
Zimbabwe: Robert Mugabe yujuje imyaka 93, ashimangira ko azongera kwiyamamaza

Perezida wa Zimbabwe, Robert Mugabe yujuje imyaka 93 kuri uyu wa 21 Gashyantare 2017, avuga ko aziyamamaza mu matora y’imukuru w’igihugu ateganyijwe mu mwaka utaha. Mu kiganiro yagiranye na (...)

Kirehe:Batewe impungenge n’utukoko twibasiye amasaka bahinze
Kirehe:Batewe impungenge n’utukoko twibasiye amasaka bahinze

Abaturage bo mu kagari ka Munini, umurenge wa Mahama mu karere ka Kirehe barasaba ubuyobozi kubakorera ubuvugizi bakabona umuti w’udukoko twibasiye amasaka bahinze, kuko ari kumera yagera hejuru (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.