Advertisement
 
 
 
 
 
 
 
 

Amakuru | Mu Mahanga

Inteko Ishinga Amategeko yagendereye Abanyarwanda baba muri Suède   

  Yanditswe na TWAGIRA WILSON
 5 months ago

 
 

Itsinda ry’Abadepite riyobowe na Perezidante w’Umutwe w’Abadepite mu Nteko Ishinga Amategeko y’u Rwanda Donatille Mukabalisa, ryagiriye uruzinduko muri Suède, aho ryaganiriye n’Abanyarwanda baba muri icyo gihugu ku ruhare rwabo mu iterambere ry’igihugu cyabo.

Urwo ruzinduko rubaye ku butumire bwa bagenzi babo bo mu Nteko Ishinga Amategeko muri iki gihugu, runakurikiye uruzinduko rw’Abadepite bo muri Suède bagize komisiyo ebyiri n’abacuruzi bahagarariye abandi bagiye bagirira mu Rwanda mu bihe bitandukanye kuva uyu mwaka watangira.

Perezidante w'Inteko Mukabalisa Donathile na bagenzi be bakiriwe neza muri Sweden

Abadepite bari muri urwo ruzinduko harimo Kantengwa Juliana, Veneranda Nyirahirwa na Gatabazi Jean Marie Vianney, ku cyumweru gishize babonanye n’Abanyarwanda baba i Stockholm, umurwa mukuru w’iki gihugu.

Mu biganiro bagiranye, Depite Mukabalisa yabasabye gutekereza byagutse ndetse no gukora cyane, biganisha ku kwihutisha iterambere ry’u Rwanda.

Ati "U Rwanda rwashyizeho ingamba zikomeye kuri buri kimwe kandi zirakomeza kwiyongera umunsi ku munsi. Ntabwo dutekereza cyane gusa, tunakora cyane. Hari ibimenyetso bibigaragaza aho ari ho hose mu Rwanda.”

Ambasaderi Christine Nkulikiyinka, uhagarariye u Rwanda mu bihugu biherereye mu gace k’Amajyaruguru y’u Burayi (Nordic countries), yashimiye aba badepite bafashe umwanya wo gusura Abanyarwanda baba muri iki gihugu.

Yakomeje avuga ko uru ruzinduko rudasobanura gusa umubano mwiza ibihugu byombi bifitanye, ahubwo ko runasobanura agaciro u Rwanda ruha abaturage barwo baba hanze.

Biteganijwe ko aba badepite b’u Rwanda bazabonana na bagenzi babo muri iki gihugu, Perezida w’Inteko Ishinga Amategeko umutwe w’Abadepite, Urban Ahlin na Komisiyo zinyuranye z’iyi Nteko.

Aba badepite kandi barahura n’abayobozi bakuru muri Guverinoma y’icyo gihugu, ndetse bazatanga ikiganiro ku banyeshuri bo mu ishami ry’amategeko muri Uppsala university.

 

Comments

 
 
USA: Nyirarukundo yanditse igitabo “Carrying Devine” kivuga kuri Jenoside
USA: Nyirarukundo yanditse igitabo “Carrying Devine” kivuga kuri Jenoside

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside. Mu (...)

Koreya ya Ruguru yasabye ibihugu bya Aziya kuyifasha kurwanya USA
Koreya ya Ruguru yasabye ibihugu bya Aziya kuyifasha kurwanya USA

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za (...)

Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.