2017-10-17 06:58:11 clouds 27o High | Kigali Rwanda

Dukurikire:
 
 

Ingabo za Sudani y’Epfo zirashinjwa kwica abaturage

Yanditswe na IMVAHO NSHYA

Kuya 2017-04-06 11:21:39

 
Share on:
 
Yasuwe:306
 
Yavuzweho:200
 
10
 
10

Abaturage bo muri Sudani y’Epfo babarirwa mu bihumbi bitatu bahungiye muri Uganda, bashinja ingabo z’icyo gihugu kwica abaturage 17 mu mujyi wa Pajok.

Reuters ivuga ko izo ngabo zarashe abaturage bageragezaga guhunga abandi bagacibwa amajosi mbere yo kunagwa mu muriro, hari n’abandi bana babiri bagonzwe n’imodoka.

Leta ya Sudani y’Epfo, ihakana ko ingabo zayo (SPLA) zarashe abaturage, ahubwo ikavuga ko ku wa Mbere yateye umujyi wa Pajok, uri hafi y’umupaka na Uganda ishaka kurwanya inyeshyamba ziwihishemo.

JPEG - 36.5 kb
Abahunga bavuga ko ingabo za Sudani y’Epfo ziri kubica

Umuvugizi wungirije w’igisirikare cya SPLA wungirije, Col. Santo Domic Chol avuga ko ahubwo izo ngabo zahoboje uwo mujyi wari ugiye gufatwa.

Ati” Sibyo ni ibinyoma byo gusebya SPLA. Abantu bamwe ntibishimye kuko twasubije inyuma umwanzi, wari umaze imyaka ibiri agenzura uwo mujyi. Icyo tuzi ni uko inyeshyamba ari zo zica abaturage muri Pajok kuva ku wa Gatanu w’icyumweru gishize.”

Sudani y’Epfo yinjiye mu ntambara kuva mu 2011 ubwo Perezida Salva Kiir yirukanaga visi-Perezida Riek Machar.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE