2017-08-22 09:34:31 clouds 27o High | Kigali Rwanda

Dukurikire:
 
 

Indege yari ivanye 66 mu Bufaransa ibajyanye mu Misiri yaburiwe irengero

Yanditswe na IMVAHO NSHYA

Kuya 2016-05-19 07:06:51

 
Share on:
 
Yasuwe:3
 
Yavuzweho:200
 
10
 
10

Indege yari ivuye mu Mujyi wa Paris mu Bufaransa ijya mu wa Kayiro mu Misiri yaburiwe irengero ku wa Kane igeze hejuru y’inyanja ya Mediterane mu gicuku cyo kuri uyu wa Kane.

Iyo ndege ya kompanyi EgyptAir yari itwaye Abanyamisiri 30, Abafaransa 15, Umwongereza, Umunyakanada, Umubirigi, Umunyaportugal, Umunyalgeria, Umunyasudani, Umunyatchad, abo muri Irak babiri, umwe wo muri Arabia Saoudite, n’uwo muri Kuwait.

Yabuze ku byuma bigenzura ikirere saa munani z’ijoro ryo kuri uyu wa kane.

JPEG - 44.8 kb
Indege ya EgyptAir

Yari yahagurutse ku mugoroba wo ku wa Gatatu ku kibuga cya Roissy Charles-de-Gaulle, yari itwaye abagenzi 56, abaderevu babiri, abashinzwe umutekano batatu n’abandi bakozi bo mu ndege batanu nk’uko Jeune Afrique ibitangaza.

Ni nyuma y’uko izindi ndege nyinshi zigiye ziburirwa irengero mu myaka mike ishize zose ziri hejuru y’inyanja. Kugeza ubu indege ya Malaysia Airlines yaburiwe irengero ku ya 8 Werurwe 2014 ntiraboneka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE