Advertisement
 
 
 
 
 
 
 
 

Amakuru | Mu Mahanga

Impanuka y’uruganda rw’amashanyarazi yahitanye 67 mu Bushinwa   

  Yanditswe na KAYIRA ETIENNE
 4 months ago

 
 

Mu gitondo cyo kuri uyu wa 24 Ugushyingo, mu Bushinwa habaye impanuka yatewe n’inyubako y’uruganda rw’amashanyarazi yahirimye ihitana abantu barenga 67 abandi batari bamenyekana umubare bakaba barimo gushakishwa aho baguweho n’ibyasenyutse kuri iyo nzu.

Radio Mpuzamahanga y’u Bufaransa (RFI) yatangaje ko iyo mpanuka yabereye ahitwa Fengcheng mu ntara ya Jiangxi. Umubare munini w’abapfuye ngo waba watewe n’uko iyo nyubako y’igorofa yaguye ku ruganda rutanga amashanyarazi ku buryo abakozi barimo batazwi uko bangana.

“Ibigo bishinzwe ubutabazi bikoramo cyane cyane abashinzwe umutekano mu gihugu, byatabaye n’ingoga bari hamwe n’imbwa zibafasha gushakisha ahari imibiri y’abapfiriye muri iyo mpanuka cyangwa abakirimo umwuka. Gusa, ntabwo byoroshye kubageraho nk’uko byifuzwa kubera ko ibyuma biremereye byari ku nyubako n’ibyari byubakishije urwo ruganda byabaguye hejuru”.

JPEG - 117.7 kb
Inyubako y’uruganda rw’amashanyarazi yahitanye abarenga 67 mu ntara ya Jiangxi

Ibitangazamakuru byo mu Bushinwa n’abanyagihugu bose nk’uko byemezwa na RFI, ngo byatangiye gushinja ubutegetsi uburangare mu gucunga umutekano w’abakozi nk’uko badahwema kubigaragaza. Ati “Hari n’abaturage badatinya kuvuga ko kujenjeka mu gucungira umutekano abakozi bo mu nganda zo mu Bushinwa bifitanye isano n’uburangare na ruswa no gushaka kwigwizaho inyungu kwa bamwe mu bategetsi”.

Umwe mu bagize Guverinoma ufite mu nshingano ubutegetsi n’umutekano w’abakozi yatangarije RFI ko, muri uyu mwaka utararangira ngo mu nganda hamaze kuba impanuka zigera ku 33 000. Ngo zimaze guhitana ubuzima bw’abakozi bakabakaba 20 000 harimo n’ababuriwe irengero kugeza ubu.

Mu mwaka ushize wa 2015, ku cyambu mpuzamahanga cya Tianjin habereye impanuka y’inkongi y’umuriro yadutse mu binyabutabire (produits chimiques) bya toni 3 000 biragurumana bihitana abantu 165 barimo abakozi 99 abandi bagera kuri 88 barakomereka bikomeye.

Biravugwa ko abantu benshi bapfa mu Bushinwa ngo bazira impanuka zibera cyane cyane mu nganda. Umubare w’abapfiriye muri iyi mpanuka yabereye i Jiangxi ku wa 24 Ugushyingo ushobora kwiyongera kuko, ubwo iyi nkuru yandikwaga ubutabazi bwo gushakisha abakiri bazima n’abapfuye bwari bugikomeje.

 

Comments

 
 
USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.