2017-07-26 14:51:34 clouds 27o High | Kigali Rwanda

Dukurikire:
 
 

ICC yakatiye Jean-Pierre Bemba gufungwa imyaka 18

Yanditswe na IMVAHO NSHYA

Kuya 2016-06-21 14:06:07

 
Share on:
 
Yasuwe:2
 
Yavuzweho:200
 
10
 
10

Urukiko Mpuzamahanga Mpanabyaha, ICC, kuri uyu wa Kabiri rwakatiye Jean Pierre Bemba igifungu cy’imyaka 18, nyuma yo guhamwa n’ibyaha by’ubwicanyi no gufata ku ngufu yakoreye muri Centrafrique.

Bemba w’imyaka 53, yahoze ari Visi-Perezida wa Repubulika Iharanira Demokarasi ya Congo; abaye umuntu wa mbere ufunzwe na ICC kubera ibyaha by’intambara, ihohoterwa rishingiye ku gitsina, n’uwa mbere ufungiwe ibyaha by’abo yayoboraga.

Ku wa 21 Werurwe yahamijwe ibyaha bitanu by’intambara n’ibyibasiye inyokomuntu byakozwe n’umutwe w’abarwanyi we, MLC (Mouvement de Liberation du Congo).

JPEG - 27.5 kb
Jean Pierre Bemba mu rukiko i La Haye mu Buholandi

Bemba yohereje MLC muri Centrafrique kuva mu Ukwakira 2002 kugeza muri Werurwe 2003 ashaka kuburizamo kudeta yari yakorewe Perezida Ange-Felix Patasse.

Icyo gihe abaharanira uburenganzira bwa muntu bavuze ko abarwanyi be bishe abaturage abandi bakabasambanya.

Abacamanza bavuze ko Bemba ntacyo yakoze ngo aburizemo ubugizi bwa nabi bwakorwaga n’ingabo ze aho bafataga ku ngufu abagabo, abagore n’abana rimwe na rimwe bagategeka abo mu muryango wabo kubireba.

Mbere yo gusomerwa ibihano, ababuranira Bemba bagaragaje ko habayemo amakosa mu rubanza rwe batangaza ko bazajurira.

Peter Haynes, avoka mukuru wa Jean Pierre Bemba avuga ko ICC, yarenganyije umukiriya we kuko yagendeye ku buhamya bw’ibinyoma kandi ibizi neza.

Yongeyeho ko Bemba azize amaherere kuko ibyaha by’ingabo ze byakozwe adahari kandi ko yabimenye byararangiye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE