Advertisement
 
 
 
 
 
 
 
 

Amakuru | Mu Mahanga

Haracyari urujijo ku mupadiri ISIS yari kubamba ku wa Gatanu Mutagatifu   

  Yanditswe na IMVAHO
 March 2016

 
 

Kiliziya Gatolika yatangaje ko itaramenya neza niba Leta ya Kiyisilamu yarabambye ku wa Gatanu mutagatifu umupadiri w’Umuhinde wafatiwe muri Yemen.

Uwo mupadiri witwa Tom Uzhunnalil, yafatiwe muri Yemen ku ya 4 Werurwe, ubwo abarwanyi ba ISIS bicaga ababikira bane barimo babiri b’Abanyarwandakazi.

Nyuma yaho uwo mutwe w’intagondwa watangaje ko uzamubamba ku wa Gatanu Mutagafu, umunsi hibukwa urupfu rwa Yezu Kirisitu.

Ibiro by’itumanaho bya Kiliziya Gatolika bivuga ko nta makuru bifite ku ibambwa rya Uzhunnalil, w’imyaka 56.

Ariko umwe mu bakaridinali akaba n’arkiyepiskopi wa Vienne (Autriche) Christoph Schönborn we yatangaje ko ISIS yabambye uwo mupadiri ku wa Gatanu Mutagatifu nk’uko byari biteganyijwe.

JPEG - 38.6 kb
Padiri Tom Uzhunnalil mu maboko ya ISIS

Karidinali Christoph yabitangaje mu gitaramo cya pasika gusa nawe avuga ko adafite gihamya ko Uzhunnalil yabambwe.

Uwo mupadiri yafashwe bunyago nyuma y’uko abarwanyi ba Leta ya Kiyisilamu bateye ikigo cyakira abari mu zabukuru cy’umuryango w’abihayimana w’Aba-Calcutta bakica ababarirwa muri 15 barimo ababikira babiri b’Abanyarwandakazi, Marguerite Mukashema, w’i Kabgayi na Reginette Uwingabire w’i Janja.

 

Comments

Izina Ryanyu
IGITEKEREZO

 
 
Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Perezida Museveni yagize umuhungu we umujyanama wihariye mu bya gisirikare
Perezida Museveni yagize umuhungu we umujyanama wihariye mu bya gisirikare

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations). Ikinyamakuru The Star (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.