Advertisement
 
 
 
 
 
 
 
 

Amakuru | Mu Mahanga

Goma: Abasirikare barenga 300 bimwe umushahara bigaragambije   

  Yanditswe na IMVAHO NSHYA
 4 months ago

 
 

Abasirikare barenga 300 bakorera mu mujyi wa Goma muri Repubulika iharanira Demokarssi ya Congo batangiye imyugaragambyo guhera ku wa mbere tariki 14 Ugushyingo 2016 basaba umushaha bamaze imyaka itatu badaca iryera, abandi bakaba bavuga ko bamaze amezi 11 ntacyo bahembwa.

Nk’uko tubikesha Radio Okapi, aba basirikare bakoze imyigaragambyo yoguhera mu birindiro byabo kugeza igihe bazahemberwa.

Umwe mu basirikare yagize ati “Ntiduhembwa ariko tugakomeza gukora.Turasaba Umukuru w’Igihugu kugira ngo umushahara wacu uboneke. Nubwo waba ari muke turawukeneye; twavuye mu i Bandundu mu Ntara ya Equateur tuza gukorera I Goma ariko turababaye cyane hano.”

JPEG - 155.7 kb
Aba basirikare bavuze ko bazasubira ku kazi bamaze guhembwa

Bivugwa ko abigaragambya batabonye ubutumwa bubemerera kugera kuri konti zabo kuko zasibwe cyane ko “batakiri kuri Lisiti z’abagomba guhembwa.”

Abasirikare ubwabo bahamya ko iki kibazo gihuriweho n’abasirikare barenga 4 000 mu Ntara ya Kivu y’Amajyaruguru yose.
Ukuriye Umutwe wa 34 ukorera muri Kivu y’Amajyaruguru Maj. Ndjike Kaiko, yavuze ko abasirikare badahembwa batari bahari ubwo hakorwaga igenzura ku basirikare Leta yemera nk’’abakozi bayo.

Yashimangiye ko abo basirikare bahamagawe i Goma kugira ngo bongere bagenzurwe bazabone kongera kwemererwa kubona umushahara. Yakomeje ahamya ko igihe aba basirikare bazaba bamaze kubarurwa ibirarane by’imishahara byose bazabyishyurwa.

 

Comments

 
 
USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.