Advertisement
 
 
 
 
 
 
 
 

Amakuru | Mu Mahanga

Ghana: Abanyarwanda n’inshuti zabo bibutse Jenoside yakorewe Abatutsi   

  Yanditswe na IMVAHO NSHYA
 April 2016

 
 

Abanyarwanda baba muri Ghana n’inshuti z’u Rwanda muri iki Cyumweru bibutse ku nshuro ya 22 Jenoside yakorewe Abatutsi mu 1994.

Icyo gikorwa cyatangiwe n’urugendo rwo Kwibuka rwari ruyobowe n’ambasaderi w’u Rwanda muri Nigeria, Protogene Nsengumuremyi; yari cyanitabiriwe n’abayobozi muri Loni, abo muri Leta ya Ghana, abofisiye bo mu kigo cya kigisirikare cyo mu mujyi wa Accra n’abaturage bo mu bihugu bya EAC.

Amb. Nsengumuremyi yavuze ko kurwanya ingengabitekerezo ya Jenoside ari uguhozaho kuko abayikoze n’ababashyigikiye bakomeje kugoreka amateka yayo, nk’uko The New Times ibitangaza.

Yibukije ko mu myaka 22 ishize umuryango mpuzamahanga wananiwe akazi kawo ko kurinda abaturage bari mu kaga.

Ati”Umuryango Mpuzamahanga wose ukwiye kuvana amasomo muri Jenoside yakorewe Abatutsi mu 1994, maze ugahuza imbaraga mu kurwanya ingengabitekerezo no gupfobya Jenoside.”

Umukozi mu Kigo cya Loni gishinzwe imenyekanishamakuru, Cynthia Prah yagejeje ubutumwa bw’Umunyamabanga Mukuru wa Loni ku bitabiriye icyo gikorwa.

Muri ubwo butumwa, Ban ki-Moon yagarutse ku ruhare rw’ubutumwa bubiba urwango n’amacakubiri, avuga ko Jenoside itahise iba ku buryo butunguranye ahubwo ko ari igikorwa cyatwaye igihe , kigategurwa bihagije.

Ati” Kimwe mu bimenyetso byayo ni isakazwa ry’ubutumwa bubiba urwango mu magambo y’abayobozi n’itangazamakuru.”

Umwe mu nshuti z’u Rwanda umaze imyaka ine yitabira umuhango wo Kwibuka abazize Jenoside yakorewe Abatutsi mu 1994, Girmay Haile, ukomoka muri Erithrea, asanga ubuyobozi bwiza u Rwanda rufite bwaravanye igihugu mu kaga kandi bugaha isomo amahanga.

Ati” Ni ubwa kane nitabiriye umuhango wo Kwibuka muri Ghana, navuga ko Abanyarwanda ari abantu bafite ishema ry’igihugu cyabo kandi baharanira kucyubaka. Ibyo bimpa ikizere ko Jenoside itazongera kubaho ukundi mu Rwanda.”

Abanyarwanda baba muri Ghana, muri uyu mwaka bibanze ku banyeshuri bo muri za kaminuza nk’abafatanyabikorwa mu guhangana n’ingengabitekerezo ya Jenoside.

Bashoje umuhango wo Kwibuka bacana “Igishyito” n’urumuri mu rwego rwo guha agaciro abazize Jenoside.

 

Comments

 
 
Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.