Advertisement
 
 
 
 
 
 
 
 

Amakuru | Mu Mahanga

François Fillon arahabwa amahirwe yo kuyobora u Bufaransa kurusha Juppé   

  Yanditswe na KAYIRA ETIENNE
 1 week ago

 
 

Mu Bufaransa, ubusesenguzi (sondage) ku rugamba rwo guhatanira umwanya w’Umukuru w’igihugu ku nshuro ya kabiri ku barwanashyaka bitwa abo ku ruhande rw’Abarepubulika (Républicains), buraha amahirwe François Fillon kurusha Alain Juppé uzwi cyane muri politiki y’iki gihugu uretse ko na mugenzi we atari mushya muri politiki dore ko bombi bigeze kuba ba Minisitiri w’Intebe.

Mu gihe hasigaye igihe kitageze ku minsi ibiri gusa ngo aba bakandida bo mu mutwe umwe wa politiki bahangane mu kiganiro mpaka kuri televiziyo y’igihugu, nk’uko bitangazwa na Radio Mpuzamahanga y’u Bufaransa (RFI), ibipimo by’irushanwa bigaragaza ko François Fillon arusha Juppé amajwi agera kuri 15%.

RFI iti “Abafaransa baragaya Alain Juppé guhubuka mu gushinja mungenzi we Fillon kutava ku izima no gushyigikira abanyagihugu bifuza kujya bakuramo inda uko bishakiye.”

Hari abasanga nta yandi mahitamo Juppé asigaranye kugira ngo azatsinde mu genzi we muri aya matora yo ku nshuro ya kabiri y’abahatanira kuziyamamariza kuba Perezida w’u Bufaransa bo mu ruhande rumwe, uretse guharabika Fillon amuvuga ho ibibi.

Kimwe mu bitangazamakuru byandikirwa mu Bufaransa nk’uko byemezwa na RFI, cyasobanuye iyo umukinnyi wa Tenisi abona ari butsindwe ngo atera nabi umupira awohereza kure cya agamije kugusha uwo bahatana mu makosa.

JPEG - 90 kb
Alain Juppé (ibumoso) na François Fillon ni bo bombi batsinze amatora y’ibanze yo kuzahatanira kuyobora u Bufaransa mu gihe kiri imbere (Foto Reuters)

Kuri ubu buryo bukoreshwa n’umukandida Alain Juppé, igitangazamakuru La Haute-Marne kigira kiti “Juppé nta mahitamo yandi afite uretse gushotora mugenzi we amubwira amagambo akaze yo kumunenga, ashaka kureba ko yamurakaza agata umurongo we mwiza ngenderwaho bityo akaba yazamurira amanita ye muri iyo nzira”.

Abakurikiranira hafi igipimo cy’aba bombi bahatanira kuba umukandida ku mwanya w’umukuru w’igihugu cy’u Bufaransa, bavuga ko bimaze kugaragara ko ikinyuranyo cy’amanota ari kinini dore ko François Fillon ageze kuri 65% mu gihe Juppé afite 35% by’amahirwe yo guhagararira ishyaka rya politiki basangiye.

Ubu buryo bwa Juppé bwo guhiga amajwi bamwe mu Bafaransa batangiye kwita “kubura ikinyabupfura” nk’uko bishimangirwa n’Ikinyamakuru Le Figaro, ku wa Gatatu mu Nteko ishinga amategeko ngo bamugiriye inama kwirinda guteshuka umurongo ngenderwaho mu kwiyamamaza.

Ati “Ikigenderewe ni ugutsinda amatora yo kuba Perezida si uguharabikana, ngo ejo usange biciyemo ibice asangiye umutwe wa politiki n’Abafaransa muri rusange”.

Ibinyamakuru bindi byo ku ruhande rw’Abarepubulika na byo byibajije ku mukandida Juppé bigira biti “Ariko koko, byari ngombwa ko ku ruhande rw’iburyo basenyana bene aka kageni mu gushaka amayeri yo kuyobora u Bufaransa? Alain Juppé avuga amagambo asebya François Fillon, yibagiwe ko arimo gusenya umutwe wa politiki bahuriyemo?”

Hari abasanga Juppé yagombye kumenya ko mu gushaka gusenya Fillon, arushaho kwisenya ubwe.

Bimwe mu bitangazamakuru byemeza ko gutsinda amatora y’ibanze kwa François Fillon wabaye Minisitiri w’Intebe w’u Bufaransa ku bwa Nicolas Sarkozy, ngo byaba intandaro yo gucika intege kwa Perezida François Hollande mu kongera gupiganirwa manda ye ya kabiri yo kuyobora u Bufaransa.

Abasesenguzi ba politiki y’ibi bihugu by’ibihangange ku isi, basanga kunenga Juppé bitavuze ko yamaze gutsindwa kuko ngo na Trump atanenzwe buke mu matora aherutse kuba muri Leta zunze ubumwe z’Amerika ariko ntibyabujije ko Hillary Clinton wahabwaga amahirwe menshi yo gutsinda Donald yisanga atari afitiwe icyizere n’Abanyamerika kabone nubwo hari abakomeye bari bamuri inyuma. Gutora rero, byumvikane ko ari ibanga riba ryihishe mu nteko itora.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Uwarokotse impanuka y’indege y’abakinnyi bo muri Brazil yari ari gusoma Bibiliya
Uwarokotse impanuka y’indege y’abakinnyi bo muri Brazil yari ari gusoma Bibiliya

Umwe mu bakinnyi warokotse impanuka y’indege yari imutwaye na bagenzi be bakinira ikipe ya Chapecoense FC yo muri Brazil, yaguyemo abantu 76 mu mpera z’ukwezi gushize, yari ari gusoma umurongo wa (...)

Saudi Arabia: 15 bakatiwe igihano cy’urupfu
Saudi Arabia: 15 bakatiwe igihano cy’urupfu

Ubutabera bw’igihugu cya Saudi Arabia, ku wa Kabiri bwakatiye abantu 15 igihano cy’urupfu nyuma y’uko bahamwe n’icyaha cy’ubutasi bakoreraga Iran. RFI ivuga ko abakatiwe bari mu bantu bagera kuri (...)

Ghana:  Havumbuwe abatekamutwe bari bamaze imyaka 10 batanga ibyangombwa bya USA
Ghana: Havumbuwe abatekamutwe bari bamaze imyaka 10 batanga ibyangombwa bya USA

Leta Zunze Ubumwe za Amerika yatangaje ko yamaze kuvumbura abatekamutwe bashinze ambasade yayo baringa mu gihugu cya Ghana, bari bamaze imyaka icumi batanga viza, impamyabumenyi n’ibyangombwa byo (...)

RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.