2017-08-24 09:26:29 clouds 27o High | Kigali Rwanda

Dukurikire:
 
 

Donald Trump abaye Perezida wa 45 wa Leta Zunze Ubumwe za Amerika

Yanditswe na IMVAHO NSHYA

Kuya 2016-11-09 07:48:27

 
Share on:
 
Yasuwe:8
 
Yavuzweho:200
 
10
 
10

Umunyemari Donald Trump w’imyaka 70 y’amavuko abaye Perezida wa 45 wa Leta Zunze Ubumwe za Amerika asimbuye Barack Obama wasoje manda ye ya kabiri ari ku butegetsi.

Intsinzi y’uyu muherwe umaze imyaka myinshi mu bucuruzi yashimiye abamuteye ingabo mu bitugu mu mezi 18 bamaze biyamammaza muri Leta zose, anasaba abatamwishimiye guhindura imyumvire bakamwiyungaho kuko aje kubaka ataje gusenya.

Yanashimye byimazeyo Hillary Clinton bari bahanganye, nyuma y’uko na we amwoherereje ubutumwa bwo kwifatanya na we mu ntsinzi, icyizere agiriwe n’Abanyamerika muri rusange.

Yashimiye ababyeyi n’abandi bose bagize umuryango we ahamya ko bari mu bamufashije kugera aho ari kugeza ubu.

Arahamya ko nyuma y’imyaka ine ya manda ya mbere cyangwa iya kabiri nibishoboka Abanyamerika bazishimira ibyiza bagezeho ku bufatanye na Perezida ukunda igihugu kandi ucyifuriza ibyiza gusa.

Yagize ati "Dufite umushinga ukomeye cyane, tuzakuba ubukungu kabiri, kandi tuzakomeza kuzamura ubukungu. Nta nzozi na zimwe ziba nini, tugomba kubaka inzozi z’igihugu cyacu dukora imishinga ibyara inyungu."

Trump yashimangiye ko igihugu gikeneye gukira ibikomere by’amacakubiri, yizeza kuba Perezida w’Abanyamerika bose, bihabanye n’ibyo bamwe bibwira ko azangiza politiki y’ububanyi n’amahanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE