2017-05-23 06:21:20 clouds 27o High | Kigali Rwanda

Dukurikire:
 
 

Congo: FDLR irashinjwa kwica abaturage basaga 17

Yanditswe na IMVAHO NSHYA

Kuya 2016-08-08 14:05:21

 
Share on:
 
Yasuwe:0
 
Yavuzweho:200
 
10
 
10

Umutwe urwanya Leta y’u Rwanda uba mu mashyamba yo mu Burasirazuba bwa Repubulika Iharanira Demokarasi ya Congo urashinjwa kwica abantu basaga 17 ahitwa Bwito mu gace ka Rutshuru mu ijoro ryakeye.

Umuyobozi mu ntara ya Kivu y’Amajyaruguru yabwiye Radio Okapi ko abantu umunani biciwe ahitwa Kibanda ndetse n’inzu zibarirwa mu Magana zigatwikwa n’umutwe wa FDLR n’abambari bawo bitwa Nyatura.

Yavuze ko abaturage benshi bataye ingo bagahungira mu duce turimo umutekano. Hari hashize iminsi itatu abarwanyi b’aba Mai Mai bishe undi muntu mu gace ka Kibirizi ndetse n’abandi baturage batanu bishwe n’abitwaje intwaro mu gace ka Kashalira muri bilometero 20 uvuye i Kibirizi ku wa Gatandatu.

Kuri uwo munsi kandi abandi babiri basanzwe biciwe ahitwa Nyanzale, mu bishwe harimo umurwanyi wa Nyatura watwikiwe mu nzu.

Mu gace ka Rutshuru hakomeje kuvugwa umutekano muke ahanini uterwa n’abarwanyi ba FDLR n’indi mitwe muri iyi minsi. Abaturage baho bavuga ko hari abasirikare n’abapolisi bake bikaba bitiza umurindi izo nyeshyamba.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE