Advertisement
 
 
 
 
 
 
 
 

Amakuru | Mu Mahanga

Congo: Abantu 44 bamaze kugwa mu myigaragambyo   

  Yanditswe na IMVAHO NSHYA
 2 months ago

 
 

Abantu babarirwa muri 44 barimo abigaragambya 37 n’abapolisi 6 nibo bamaze kugwa mu myigaragambyo yamagana ko Perezida Kabila yongera kwiyamamariza kuyobora Repubulika Iharanira Demokarasi ya Congo.

Imyigaragambyo yatangiye ku wa mbere ubwo Komisiyo y’Amatora ya Congo yafashe umwanzuro wo gusubika amatora ya perezida ateganyijwe mu Gushyingo.

Abarwanya Kabila bavuze ko gusubika ayo matora ari uburyo bwo gushaka kugumisha Kabila ku butegetsi.



Kabila ntiyemerewe n’itegeko nshinga kwiyamamariza manda ya gatatu ariko we avuga ko niyiyamamaza nta tegeko azaba yishe.

Umuryango Human Rights Watch (HRW) uvuga ko abaguye mu myigaragambyo bashobora kwiyongera. Amashuri yafunzwe n’imodoka zitwara abagenzi zigahagarika ingendo.

Abantu benshi bapfuye mu ijoro ryakeye ubwo abapolisi batwikaga ibyicaro by’ishyaka rikomeye ritavuga rumwe n’ubutegetsi, UPDS, ndetse bakanatera ibiro by’andi mashyaka.



HRW ivuga ko abantu 20 baguye mu mvururu kuwa Mbere naho abandi 17 bagapfa ku wa Kabiri, benshi bapfaga barashweho na polisi.

Hari kandi n’abigaragambya bishe abapolisi, basahura amangazini menshi ndetse banatwika sitasiyo za polisi.

Leta ya Congo ihakana umubare w’abapfuye, ikavuga ko ari 17 igashinja Human Rights Watch gukabya.

Umwe mu bayobozi b’abatavuga rumwe na Leta, Felix Tshisekedi akaba umuhungu wa Etienne Tshisekedi we ahamya ko polisi iri kwica abantu umusubirizo.

Ati’Kuri ubu dufite mu biganza byacu abantu barindwi bapfuye , umwe waciwe ukuboko n’undi waciwe ukuguru. Hari n’abandi bakomeretse bari mu bitaro.”

Agahenge kagarutse mu mujyi wa Kinshasa ku gicamunsi cyo ku wa Kabiri, bivugwa ko abantu basaga 200 batawe muri yombi.

Kabila yagiye ku butegetsi mu 2001 ubwo se yicwaga, manda ye izarangira mu Kuboza.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Uwarokotse impanuka y’indege y’abakinnyi bo muri Brazil yari ari gusoma Bibiliya
Uwarokotse impanuka y’indege y’abakinnyi bo muri Brazil yari ari gusoma Bibiliya

Umwe mu bakinnyi warokotse impanuka y’indege yari imutwaye na bagenzi be bakinira ikipe ya Chapecoense FC yo muri Brazil, yaguyemo abantu 76 mu mpera z’ukwezi gushize, yari ari gusoma umurongo wa (...)

Saudi Arabia: 15 bakatiwe igihano cy’urupfu
Saudi Arabia: 15 bakatiwe igihano cy’urupfu

Ubutabera bw’igihugu cya Saudi Arabia, ku wa Kabiri bwakatiye abantu 15 igihano cy’urupfu nyuma y’uko bahamwe n’icyaha cy’ubutasi bakoreraga Iran. RFI ivuga ko abakatiwe bari mu bantu bagera kuri (...)

Ghana:  Havumbuwe abatekamutwe bari bamaze imyaka 10 batanga ibyangombwa bya USA
Ghana: Havumbuwe abatekamutwe bari bamaze imyaka 10 batanga ibyangombwa bya USA

Leta Zunze Ubumwe za Amerika yatangaje ko yamaze kuvumbura abatekamutwe bashinze ambasade yayo baringa mu gihugu cya Ghana, bari bamaze imyaka icumi batanga viza, impamyabumenyi n’ibyangombwa byo (...)

RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.