2017-08-22 09:34:31 clouds 27o High | Kigali Rwanda

Dukurikire:
 
 

Centrafrique: Abasaga 20 baguye mu mirwano hagati y’imitwe yitwaje intwaro

Yanditswe na IMVAHO NSHYA

Kuya 2017-03-24 08:30:08

 
Share on:
 
Yasuwe:412
 
Yavuzweho:200
 
10
 
10

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru.

AFP ivuga ko iyo mirwano yatangiriye mu nsisiro ziri hafi y’umujyi wa Bakouma yari ishyamiranyije abahoze mu mitwe wa Seleka na Anti Balaka.

Abapfuye benshi ni abaturage bagiye bafatwa n’amasasu yayobye, bashobora kwiyongera kuko n’ubu imirwano igikomeje.

Vladimir Monteiro, umuvugizi w’Ingabo za Loni zibungabunga amahoro muri Centrafrique, MINUSCA, avuga ko babuze uko bagera muri ako gace kubera inyeshyamba zasenye ku bushake ikiraro kiherekeza.

JPEG - 69.8 kb
Imitwe ya Anti Balaka na Seleka imaze imyaka myinshi ihungabanya umutekano wa Centrafrique

Ako gace kazwiho kuba karimo umutungo kamere wa Uranium, waguzwe na sosiyete y’Abafaransa Areva ku buyobozi bwa Francois Bozize, iyi sosiyete yabaye isubitse ibikorwa by’ubucukuzi muri 2012.

Amakimbirane yo muri Centrafrique ashingiye ahanini ku idini hagati y’aba Seleka b’Abayisilamu na Anti-Balaka b’Abakirisitu. Nubwo impande zombi zashyize umukono ku masezerano y’amahoro ya Brazzaville, kuri ubu imirwano iracyubura mu duce tumwe tw’icyo gihugu.

Mu ntangiriro z’uyu mwaka habaruwe abaturage 400 000 bakuwe mu byabo n’iyi mirwano.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE