Advertisement
 
 
 
 
 
 
 
 

Amakuru | Mu Mahanga

CAR: Umujyanama wa Loni mu bya polisi yasuye abapolisi b’u Rwanda (Amafoto)   

  Yanditswe na RNP
 August 2016

 
 

Umujyanama wungirije mu bya gipolisi mu Muryango w’Abibumbye Shaowen Yang, yasuye itsinda ry’abapolisi b’u Rwanda(RWAFPU) bari mu butumwa bw’Umuryango w’Abibumbye bwo kugarura no kubungabunga amahoro muri Centrafrica (United Nations Stabilisation Mission in Central African Republic -MINUSCA) aho bakambitse mu murwa mukuru Bangui.

Uruzinduko rwa Yang n’intumwa z’Umuryango w’Abibumbye ayoboye, ruri muri gahunda yo guhuriza hamwe abagiye kubungabunga amahoro muri iki gihugu baturutse mu bihugu bitandukanye, no kubasaba gukomeza gukorera hamwe ndetse no gufasha mu kubaka ubushobozi bwa Polisi ya Centrafrica.

Uru ruzinduko rwaranzwe n’imyiyereko yakozwe na Polisi z’ibihugu 5 biri kugarura no kubungabunga amahoro mu murwa mukuru Bangui, ndetse na Polisi y’iki gihugu.

Mu bari bahari harimo umuyobozi mukuru wa Polisi ya centrafrica, Euphrem Gosta, umuyobozi w’ubutumwa bw’Umuryango w’Abibumbye bushinzwe kubungabunga amahoro muri iki gihugu Luis Miguel Carrilho, n’abayoboye Polisi z’ibihugu byaje kubungabunga amahoro muri Centrafrica.

Imyiyereko yabaye yerekanaga uko Polisi zikorera muri iki gihugu zishobora guhosha imyigaragambyo no kugarura amahoro mu bihe by’umutekano mucye, ndetse no mu mikwabu idasanzwe.

Yang yashimiye abo bapolisi kubera ubunyamwuga buhambaye, imikorere myiza, gukorera hamwe n’imikoranire myiza aba bapolisi bagaragaje.

Yabasabye gukomeza gukorera hamwe hagamijwe kugarura amahoro n’umutekano mu baturage ba Centrafrica.

Mu ijambo rye, Luis Miguel Carrilho yashimiye Polisi zose ziri muri Centrafrica kubera disipuline no gukorera hamwe bibaranga mu kugarura amahoro n’umutekano muri Centrafrica, abasaba gukomeza iyo disipuline no kubahiriza amahame y’uburenganzira bw’ikiremwamuntu.

Umuyobozi mukuru wa Polisi ya centrafrica, Euphrem Gosta, we yibanze ku bushake bw’igihugu cye mu kubaka ubushobozi, ubunyamwuga n’igipolisi gikomeye kandi gishobora guhangana n’ibibazo by’umutekano mucye.

Ukuriye abapolisi b’u Rwanda muri Centrafrica Assistant Commissioner of Police (ACP) Gilbert Gumira ari nawe wakiriye izi ntumwa, mu ijambo rye yerekanye uko umutekano uhagaze, ubushobozi bafite mu kubungabunga umutekano aho bashinzwe kuwubungabunga, imirimo bashinzwe ya buri munsi n’ibyo bamaze kugeraho mu kubungabunga umutekano kugeza ubu.

 

Comments

 
 
USA: Nyirarukundo yanditse igitabo “Carrying Devine” kivuga kuri Jenoside
USA: Nyirarukundo yanditse igitabo “Carrying Devine” kivuga kuri Jenoside

Nyirarukundo Herniette, umwe mu Banyarwanda barotse Jenoside yakorewe Abatutsi mu Rwanda ubu uba muri Leta Zunze Ubumwe z’Amerika muri Leta ya Indiana, yanditse igitabo kivuga kuri Jenoside. Mu (...)

Koreya ya Ruguru yasabye ibihugu bya Aziya kuyifasha kurwanya USA
Koreya ya Ruguru yasabye ibihugu bya Aziya kuyifasha kurwanya USA

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za (...)

Abapolisi b’u Rwanda bari muri Haiti bambitswe imidari y’ishimwe
Abapolisi b’u Rwanda bari muri Haiti bambitswe imidari y’ishimwe

Abapolisi b’u Rwanda bari mu butumwa bw’amahoro bw’Umuryango w’Abibumbye mu gihugu cya Haiti (MINUSTAH) bazwi nka Individual Police Officers (IPOs), ku itariki 21 Mata uyu mwaka bambitswe imidari yo (...)

Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.