2017-08-16 13:12:06 clouds 27o High | Kigali Rwanda

Dukurikire:
 
 

Canada: Umunyarwanda arashinjwa gufata abana ku ngufu

Yanditswe na IMVAHO NSHYA

Kuya 2016-05-24 08:09:24

 
Share on:
 
Yasuwe:46
 
Yavuzweho:200
 
10
 
10

Ismail Mbonigaba, wigeze kuba umwanditsi mukuru mu kinyamakuru Umuseso, ku ya 5 Nyakanga 2016 azitaba urukiko rw’ahitwa Saint-Joseph-de-Beauce muri Canada ashinjwa gufata ku ngufu abakobwa batatu.

Mbonigaba, w’imyaka 44, utuye mu mujyi wa Quebec ashinjwa ibyaha birindwi bijyanye no gufata ku ngufu, yakoze hagati ya 2012 na 2014 nk’uko The New Times ibitangaza.

Ubushinjacyaha buvuga kandi ko akurikiranweho n’ibirego bijyanye n’ubujura bukorewe kuri internet. Ubwo yakoraga ibyo byaha yari umukorerabushake w’umuryango Alpha Bellechasse.

Uwo muryango wahise umuhagarika mu kazi kugeza igihe ukuri ku byo ashinjwa kuzagira ahagaragara.

Mbonigaba yahoze ari umwanditsi mukuru mu kigo cy’itangazamakuru, “Rwanda Independent Media Group,’ ari nacyo cyandikaga ikinyamakuru Umuseso.

Uyu mugabo ari kandi mu bashinze ishyaka Rwanda Dream Initiative rirwanya Leta y’u Rwanda rya Faustin Twagiramungu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE