2017-08-23 07:41:18 clouds 27o High | Kigali Rwanda

Dukurikire:
 
 

USA yakoresheje intwaro yo gukumira ibisasu bya Koreya ya Ruguru

Yanditswe na IMVAHO NSHYA

Kuya 2017-05-31 10:02:38

 
Share on:
 
Yasuwe:688
 
Yavuzweho:200
 
10
 
10

Igisirikare cya Leta Zunze Ubumwe za Amerika, cyagerageje bwa mbere intwaro ikoranye ikoranabuhanga yacyo yo gukumira ibisasu bya kirimbuzi byaturuka muri Koreya ya Ruguru.

Itangazo Pentagon yashyize ahagaragara rivuga ko bashoboye kohereza misile ikagonganira mu kirere n’igisasu cyari hejuru y’inyanja ya Pacifique kigaturika kitaragera ku butaka.

Umuyobozi wungirije w’ishami ry’ibisasu bya misile mu gisirikare cya USA, Jim Syring, yabwiye CNN ko bigaragaje ko bashobora kuzajya bakumira ibisasu bya Koreya ya Ruguru mu gihe bitewe ku butaka bw’ikindi gihugu.

Ati “Iri koranabuhanga ni ingenzi mu kurinda ubutaka bwacu, iri gerageza twakoze ryerekana ko dufite intwaro zikomeye zaburizamo ibikorwa by’umwanzi.”

Nubwo, igisirikare cya USA cyishimiye ibyavuye mu igeragezwa, impuguke zivuga ko iryo koranabuhanga rya miliyari 40 z’amadorali rigikeneye kuvugururwa kuko rifite ububasha bwo guhanura ibisasu ku kigero cya 40%.

Ni nyuma y’iminsi ibiri Koreya ya Ruguru igerageje ikindi gisasu cyageze muri kilometero 400 hafi y’agace kihariye kahariwe inganda k’u Buyapani. Byatumye Perezida Donald Trump na bagenzi be ba Koreya ya Ruguru n’u Buyapani bongera kwamagana iki gihugu nubwo cyo kivuga ko kirakomeza kugerageza n’ibindi bisasu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE