2017-11-23 07:27:17 clouds 27o High | Kigali Rwanda

Dukurikire:
 
 

Burundi: Willy Nyamitwe yarokotse urupfu

Yanditswe na IMVAHO NSHYA

Kuya 2016-11-29 10:14:12

 
Share on:
 
Yasuwe:17
 
Yavuzweho:200
 
10
 
10

Umuyobozi ukuriye ishami ry’itumanaho muri Perezidansi ya Leta y’u Burundi, Willy Nyamitwe, yarokotse igitero cy’abashakaga kumwica ku wa mbere tariki 28 Uguahyingo.

Amakuru dukesha BBC agaragaza ko abantu batazwi bagerageje kumurasa ageze hafi yo mu rugo ahagana saa tatu n’igice z’ijoro ryo ku wa mbere ariko ararusimbuka, umwe mu bari bashinzwe kumurinda ahita yicwa.

JPEG - 54.8 kb
Willy Nyamiwe yashimiye amamwihanganishije bakanamwifuriza gukira vuba

Umuvandimwe wa Willy Nyamitwe akaba na Minisitiri w’Ububanyi n’Amahanga, Alain-Aimé Nyamitwe, yagize ati “Ndashimira Imana iriho kuba yarinze umuvandimwe wanjye Willy Nyamitwe mu ijoro akaba yarokotse ubundi bwicanyi. Amashimwe yose ni ayawe Mana!”

BBC ikomeza ivuga ko abitwaje intwaro babanje kurasa amasasu nyuma bagatera ibisasu mu modoka ye ariko akabirokoka. Willy Nyamitwe yakomeretse ku kuboko, ariko umwe mu bacungera umutekano we yahise apfa, n’undi arakomereka.

Ku rubuga rwa Twitter, Nyamitwe yashimiye abamwihanganishije. Abashinzwe umutekano bazindutse basaka agace ka Kajaga kuri uyu wa kabiri bagerageza gushaka abagize uruhare muri iki gitero.

Amakuru aturuka muri Polisi y’u Burundi agaragaza ko nyuma y’iki gitero hahise hatorwa ibisasu bitatu bitaturitse .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE