Advertisement
 
 
 
 
 
 
 
 

Amakuru | Mu Mahanga

Brezil: Amabandi yarashe kajugujugu ya Polisi irahanuka hapfa bane   

  Yanditswe na IMVAHO NSHYA
 4 months ago

 
 

Abapolisi bane ba Leta ya Brezil bishwe n’indege barimo hejuru y’Umujyi wa Rio de Janerio yarasiwe neza neza ahazwi igico cy’amabandi, ahitwa God Favela.

BBC yatangaje ko mu mashusho adasanzwe y’impanuka ifitiye kopi, humvikana urusaku rw’imbunda mbere y’uko kajugujugu igwa nk’ibuye iva mu kirere, habuze gato ngo yikubite mu muhanda mugari.

Polisi yavuze ko iyo kajugujugu yari irimo guha ubufasha ibikorwa bya polisi byahigaga amabandi akorera mu gace kazengurutse umujyi nyir’izina. Mbere ngo habanje kuba indi mirwano hagati ya polisi n’agatsiko k’amabandi.

JPEG - 100 kb
Kajugujugu yahanutse nyuma yo kuraswa n’amabandi

Abazimya umuriro bavanye imirambo y’abaapfuye ahabereye impanuka yanagaragaraga iri gucumba umwotsi. Umuvugizi wa polisi yavuze ko abashinzwe iby’iperereza bari kugenzura ngo bamenye impamvu yateye impanuka.

Bivugwa ko atari ubwa mbere bibaye muri uyu mujyi uherutse no kwakira amarushanwa ya Olempike mu mwaka wa 2016.

Mu mwaka wa 2009, abacuruza ibiyobyabwenge barashe kajugujugu ya polisi, bituma iturika ihanukira ku kibuga cy’umupira w’amaguru, abapilote babiri barapfa.

Mu gihe cy’imyaka ibiri ishize, ibikorwa by’urugomo bivamo ubwicanyi byariyongereye i Rio nyuma ya gahunda ya 2010 yananiwe kurandura amabandi akorera aho muri Favela, hacururizwa ibiyobyabwenge.

Kugeza mu mpera z’ukwezi kwa Nzeri mu mwaka wa 2016 habonentse impfu 3 649 muri icyo gihugu, ubwiyongere buri ku kigero cya 18% ugereranyije n’umwaka ushize.

 

Comments

 
 
Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Tanzania: Abanyamakuru 9 birukanwe bazira kubeshya ko Trump yashimye Magufuli
Tanzania: Abanyamakuru 9 birukanwe bazira kubeshya ko Trump yashimye Magufuli

Televiziyo y’Igihugu ya Tanzania, TBC, yirukanye abakozi bayo icyenda batangaje inkuru y’igihuha ivuga ko Perezida wa Leta Zunze Ubumwe za Amerika Donald Trump yashimye imiyoborere ya mugenzi we (...)

Koreya: Abakomando ba USA bishe Bin Laden bazitabira imyitozo yo guhirika Kim Jong Un
Koreya: Abakomando ba USA bishe Bin Laden bazitabira imyitozo yo guhirika Kim Jong Un

Itsinda ry’abasirikare ba kabuhariwe bagabye igitero cyahitanye Osama Bin Laden, wari umuyobozi wa Al-Qaeda, “Seal Team 6” rizitabira imyitozo ya gisirikare izahuza USA na Koreya y’Epfo muri uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.