2017-07-22 13:49:51 clouds 27o High | Kigali Rwanda

Dukurikire:
 
 

Boko Haram yahawe umuyobozi mushya

Yanditswe na IMVAHO NSHYA

Kuya 2016-08-03 15:27:41

 
Share on:
 
Yasuwe:2
 
Yavuzweho:200
 
10
 
10

Umutwe w’intagondwa wa Leta ya Kiyisilamu (ISIS), watangaje ko ishami ryawo muri Afurika y’Uburengerazuba, ‘Boko Haram’ rifite umuyobozi mushya.

Mu kinyamakuru cya ISIS gisohoka buri cyumweru kitwa Al-Naba, Abu Musab al-Barnawi, wari usanzwe ari umuvugizi wa Boko Haram niwe wagaragajwe nk’umuyobozi wayo mushya.

ISIS ntivuga icyo uwahoze ayobora uyu mutwe ufite ibirindiro muri Nigeria, Abubakar Shekau yabaye.

Aherukwa muri Kanama mu mwaka ushize avuga ko akiri muzima kandi atarasimbuzwa. Ibi byanashimangiwe n’ubutumwa bw’Amashusho bwasohowe na ISIS muri Mata uyu mwaka.

JPEG - 22.1 kb
Kuva mu ntangiriro za 2015, Barnawi yari umuvugizi wa Boko Haram

Boko Haram iracyarwanira guhirika leta ya Nigeria nubwo yatakaje igice kinini yari yarigaruriye. Ibitero byayo byateje umutekano muke bisiga abantu 20 000 bapfuye cyane cyane mu majyaruguru y’uburasirazuba bwa Nigeria.

BBC ivuga ko Barnawi yavuze ko Boko Haram ikomeje kuba umutwe utinyitse kandi ko yatoranyije abarwanyi bashya.

Uyu mugabo yatangaje ko uyu mutwe urwana n’abahakanyi b’idini ya Islam bo mu bihugu bya Afurika y’Uburengerazuba.

Nta byinshi bizwi kuri uyu Abu Mus’ab al-Barnawi, wakunze gutangazwa kuva mu 2015 nk’umuvugizi wa Boko Haram, igihe cyose amashusho ntiyagaragaza isura ye. Imvugo ye yumvikana nk’ituje mu gihe uwo asimbuye Abubakar Shekau yavugaga mu rurimi rw’igi Hausa ari hanze kandi akikijwe n’abarwanyi.

JPEG - 36.2 kb
Abubakar Shekau wari usanzwe ari umuyobozi wa Boko Haram

Barnawi yavuze ko imijyi yose yari imaze iminsi yarigize akaraha kajyahe ku mutwe ayoboye igiye guhura n’ibyago.

Umutwe wa Boko Haram washinzwe mu 2002 ugamije kurwanya uburezi bw’abazungu (Abanyaburayi na Amerika), utangiza ibitero mu 2009.

Uretse abababarirwa mu bihumbi umaze guhitana, wanashimuse benshi barimo n’abakobwa b’abanyeshuri basaga 200.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE