Advertisement
 
 
 
 
 
 
 
 

Amakuru | Mu Mahanga

Amb. Rugwabiza yashyikirije Ban Ki-Moon impapuro zo guhagararira u Rwanda   

  Yanditswe na MUTUNGIREHE SAMUEL
 5 months ago

 
 

Ambasaderi Rugwabiza Valentine yashyikirije Umunyamabanga Mukuru wa Loni Ban Ki-Moon impapuro zisaba guhagararira u Rwanda mu Muryango w’Abibumbye (Loni), tariki ya 12 Ugushyingo 2016.

Inshingano zo guhagararira u Rwanda muri Loni, Amb. Rugwabiza yazihawe na Perezida wa Repubulika Paul Kagame, avuye ku mwanya wa Minisitiri w’Ibikorwa by’Umuryango wa Afurika y’Uburasirazuba (MINEACOM), mu gihe inshingano z’iyo minisiteri zimuriwe muri Minisiteri y’Ubucuruzi n’Inganda igirwa MINEACOM, nk’uko byagaragaye mu itangazo ry’Ibiro bya Minisitiri w’Intebe ryerekena abagize Guverinoma bashyizweho na Perezida wa Repubulika tariki ya 04 Ukwakira 2016 ashingiye ku biteganywa n’Itegeko Nshinga rya Repubulika ryo muri 2003 nk’uko ryavuguruwe muri 2015.

JPEG - 453.6 kb
Ban Ki-Moon yakira Ambasaderi Rugwabiza Valentine nk’uhagarariye u Rwanda muri Loni

Perezida Kagame nyuma y’aho yasobanuye ko Amb. Rugwabiza wimuriye imirimo ye muri Ambasade y’u Rwanda i New York, bidakuyeho ko akiri umwe mu bagize Guverinoma, yongeraho ko igihe Guverinoma iteranye ari mu Rwanda adahejwe agomba kwitabira.

Ambasaderi Rugwabiza yahawe izo nshingano asimbuye kuri uwo mwanya Amb. Gasana Richard Eugene wari usanzwe ahagarariye u Rwanda muri Loni.

Abandi bahagarariye ibihugu byabo bashyikirije Ban Ki-Moon impapuro zo guhagararirwa muri Loni ni Amb. Mauro Vieira wa Repubulika ya Brazil na Amb. Yusuf Garad Omar wa Repubulika ya Somalia nk’uko bigaragara ku rukuta rw’Umunyamabanga Mukuru w’Umuryango w’abibumbye Ban Ki-Moon, ku rukuta rwe rwa Twitter.

Perezida Kagame Paul yemeje kandi ko Bakuramutsa Feza aba Umujyanama ku rwego rwa Minisitiri muri Ambasade y’u Rwanda i New York.

 

Comments

 
 
Leta ya Kiyisilamu iteganya kwiyunga na Al Qaeda
Leta ya Kiyisilamu iteganya kwiyunga na Al Qaeda

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq. Visi-Perezida wa Iraq, (...)

Uwa Gatanu Mutagatifu: Babambwe n’imisumari nyayo bibuka ububabare bwa Yezu
Uwa Gatanu Mutagatifu: Babambwe n’imisumari nyayo bibuka ububabare bwa Yezu

Mu gihe hirya no hino ku Isi abakirisitu bizihije umunsi wa wa Gatanu Mutagatifu, mu gihugu cya Philippines, bamwe babambwe ku musaraba n’imisumari. Imisumari bakoresheje bamubamba ni iya (...)

Koreya ya Ruguru, itumvikana na USA, yerekanye ingufu zayo za gisirikare
Koreya ya Ruguru, itumvikana na USA, yerekanye ingufu zayo za gisirikare

Koreya ya Ruguru yerekanye ububasha bwayo bwa gisirikare mu murwa mukuru Pyongyang kuri uyu wa Gatandatu ubwo yizihizaga ‘Umunsi w’Izuba.” Ni mu gihe hatutumba umwuka mubi hagati y’icyo gihugu na (...)

USA: Umuyisilamukazi wa mbere wabaye umucamanza mukuru yishwe
USA: Umuyisilamukazi wa mbere wabaye umucamanza mukuru yishwe

Sheila Abdus-Salaam, umugore wabaye umucamanza wa mbere w’Umuyisilamu mu mateka ya Leta Zunze Ubumwe za Amerika yasanzwe yarapfuye ku wa Gatatu mu mugezi wa Hudson uri mu mujyi wa New York. (...)

Abanyarwanda biga mu Bushinwa bibutse Jenoside yakorewe Abatutsi
Abanyarwanda biga mu Bushinwa bibutse Jenoside yakorewe Abatutsi

Abanyeshuri biga muri za kaminuza ziherereye mu mujyi wa Shenyanga mu Bushinwa, ku wa 9 Mata 2017, bahuriye mu gikorwa cyo kwibuka Jenoside yakorewe Abatutsi mu 1994. Shenyang n’umujyi uri mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.