Advertisement
 
 
 
 
 
 
 
 

Amakuru | Mu Mahanga

Amb. Kabale yibukije u Bufaransa ko hari abakoze Jenoside bakibwidegembyamo   

  Yanditswe na HERVE UGIRUMUKUNDA
 April 2016

 
 

Ambasaderi w’u Rwanda mu Bufaransa , Jacques Kabale yasabye Leta y’icyo gihugu kohereza mu Rwanda abantu basaga 30 bakidegembya muri icyo gihugu kandi bashinjwa ibyaha bya Jenoside.

Mu rwego rwo Kwibuka ku nshuro ya 22 Jenoside yakorewe Abatutsi, ku wa Kane ku ya 7 Mata 2016 mu murwa mukuru w’u Bufaransa, Paris, hashyizwe ibuye ry’urwibutso mu rwego rwo kubaha abazize iyo Jenoside no gusigasira amateka.

Iryo buye, ryamuritswe ku mugaragaro n’Umuyobozi w’Umujyi wa Paris, Anne Hidalgo na Ambasaderi Jacques Kabale, riherereye mu karere ka 13 muri parike ya Choisy.

Muri uwo muhango, Ambasaderi Kabale yibukije ko hari benshi bagize uruhare mu gutegura no kuyobora Jenoside bakidegembya muri icyo gihugu.

Ati “ Ni Abantu bayoboye Jenoside bari mu Bufaransa. Batanze amategeko yo kwica Abatutsi . U Rwanda rurabasaba kugira ngo baburanishwe ku byaha bakoze.”

JPEG - 139.3 kb
Ikimenyetso cy’urwibutso rwa Jenoside yakorewe Abatutsi cyashyizwe i Paris

U Bufaransa bwagiye buvugwaho kenshi kugira uruhare muri Jenoside, aho bwateye inkunga y’intwaro n’imyitozo Interahamwe, bugakingira ikibaba abakoze Jenoside bagahungishwa.

Kugeza n’ubu icyo gihugu kiracyagaragaza ugupfobya Jenoside, kwinangira kuburanisha no kohereza mu Rwanda abashinjwa uruhare muri Jenoside yakorewe Abatutsi.

Ibuye ryashyizwe mu Mujyi wa Paris rifite akamaro

Abarokotse Jenoside baba mu Bufaransa basanga ibuye rizabafasha kwibuka ndetse rikanereka buri mugenzi unyuze muri parike ryashyizwemo ko Jenoside yakorewe Abatutsi yabayeho.

Umwe muri bo waganiriye na RFI, Jane Karigirwa, yavuze ko yari afite imyaka 17 ubwo umuryango we hafi ya wose wicwaga. Yifuza ko iryo buye rizatuma buri wese uribonye agira amatsiko yo kumenya amateka ya Jenoside yakorewe Abatutsi.

Ati” Icyo nifuza ni uko rizatuma abatazi amateka ya Jenoside bagira amatsiko yo kuyamenya ndetse byaba byiza bakanayamenyesha n’abandi.”

JPEG - 73.3 kb
Abanyarwanda n’inshuti zabo bitabiriye Kwibuka ku nshuro ya 22 mu mujyi wa Paris

Meya w’Umujyi wa Paris, Anne Hidalgo nawe asanga iryo buye rifitiye akamaro umujyi ayoboye.

Ati” Uyu mujyi uba ushaka gusiga ibimenyetso by’amateka yawuranze kandi Jenoside yakorewe Abatutsi nayo iri mu byaturanze.”

Iryo buye ry’urwibutso ni irya kabiri rishyizwe mu mujyi wa Paris. Hari irindi rimaze imyaka ibiri ryubatswe mu irimbi ryitiwe Pere-Lachaise.

 

Comments

Izina Ryanyu
IGITEKEREZO

 
 
Tanzania: Lowassa wahanganye na Perezida Magufuli mu matora yatawe muri yombi
Tanzania: Lowassa wahanganye na Perezida Magufuli mu matora yatawe muri yombi

Edward Lowassa wahoze ari Minisitiri w’Intebe akaba ari nawe mukandida ufatika wari uhanganya na Perezida John Pombe Magufuli yatawe muri yombi by’akanya gato azira gukoresha inama atabifitiye (...)

Zimbabwe: Umupasiteri afungiwe guhanura ko Perezida Mugabe azapfa muri uyu mwaka
Zimbabwe: Umupasiteri afungiwe guhanura ko Perezida Mugabe azapfa muri uyu mwaka

Umupasiteri witwa Patrick Mugadza yatawe muri yombi ku wa mbere azira guhanura ko perezida wa Zimbabwe, Robert Mugabe azapfa muri uyu mwaka wa 2017. Mu kiganiro n’itangazamakuru, uyu mupasiteri (...)

Trump yatangaje ko azavaniraho u Burusiya ibihano
Trump yatangaje ko azavaniraho u Burusiya ibihano

Donald Trump watorewe kuyobora Leta Zunze Ubumwe za Amerika yatangaje ko agiye kuvaniraho u Burusiya ibihano kugira ngo nabwo bwemere kugabanya ibisasu bya kirimbuzi bufite. Mu kiganiro (...)

U Burayi: Ubukonje bukabije bumaze guhitana abantu 65
U Burayi: Ubukonje bukabije bumaze guhitana abantu 65

Abantu 65 bamaze kwicwa n’ubukonje bukabije mu duce dutandukanye tw’u Burayi cyane cyane mu gihugu cya Bulgaria. Abenshi mu bapfa biganjemo abasheshe akanguhe n’abatagira aho batuye; barimo umusaza (...)

Perezida Museveni yagize umuhungu we umujyanama wihariye mu bya gisirikare
Perezida Museveni yagize umuhungu we umujyanama wihariye mu bya gisirikare

Perezida wa Uganda, Yoweri Museveni yahaye umuhungu we Muhoozi Kainerugaba inshingano zo kuba Umujyanama Mukuru we mu by’Ibitero by’Ingabo zidasanzwe, (special operations). Ikinyamakuru The Star (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.