2017-07-20 15:19:18 clouds 27o High | Kigali Rwanda

Dukurikire:
 
 

Afurika y’Epfo: Perezida Zuma akomeje kotswa igitutu cyo kwegura

Yanditswe na IMVAHO NSHYA

Kuya 2016-11-10 18:03:44

 
Share on:
 
Yasuwe:0
 
Yavuzweho:200
 
10
 
10

Perezida wa Afurika y’Epfo Jacob Zuma akomeje kotswa igitutu cyo kwegura mbere y’uko manda ye irangira nyuma y’igihe kinini ashinjwa kurya ruswa n’ibindi byaha byo kuvanga abanyamahanga muri politiki y’igihugu.

BBC yatangaje ko abagize Inteko Ishinga Amategeko y’iki gihugu ikomeje ibiganiro mpaka ku gutora no kwemeza o nta cyizere bagifiye Zuma nka Perezida mu gihe igituru cyo kumusaba kwegura kigikomeje.

Raporo y’abarwanya ruswa iherutse gushyira mu majwi imyitwarire idahwitse za Perezida Zuma ariko Ishyaka riri ku butegetsi rikavuga ko ibyo bidashobora kugira ingaruka mu kweguza Zuma.

Gusa ngo iyi ibaye inshuro ya gatatu mu gihe kitageze ku mwaka Perezida Zuma agiye gutorwaho ko adafitiwe icyizere. Umwe mu bakozi ba Guverinoma baharanira kurwanya ruswa yavuze ko hakwiye gutegurwa ubutabera buzagenerwa Perezida maze agakomeza agakorwaho iperereza ku byaha byose binuganugwa muri guverinoma ye.

Iperereza rya mbere ryatahuye ko umuryango w’abaherwe b’Abahinde (Guptas) ufitanye imikoranire ya bugusi na Zuma, ndetse bikaba binavugwa ko wivanze mu bya Politiki ya Afurika y’Epfo kugeza ubwo utangiye kumusaba n’abo yinjiza muri Guverinoma nk’abaminisitiri.

Kugeza ubu uyu muryango kimwe na Zuma bahakana bivuye inyuma ibibavugwaho. Nubwo babihakana ariko abatavuga rumwe na guverinoma ya Zuma bagerageje kumweguza inshuro nyinshi ariko bigenda biburizwamo.

Mu batagishaka Zuma harimo bamwe mu barwanashyaka bakomeye b’Ishyaka ANC n’abagize Guverinoma, ndetse ntibakwema kumusaba kwegura nyuma ya raporo yasohotse imugaragaza uko ari n’uwahoze ari Umushinjacyaha Thuli Mandosela, ari na we wamushinje gukorana n’abaherwe b’Abahinde mu gushyiraho Guverinoma.

Impamvu ngo agikomeje kuba ku buyobozi ni uko abamusaba kwegura bataragera ku mubare ukenewe mu nteko ishinga amategeko. Umwe mu basesenguzi mu bya Politiki yahamije ko umwanzuro wo kwirukana Zuma ugomba guturuka ku bushake bw’Ishyaka ANC ryose kandi kugira ngo bikunde bisaba inzira ndende.

Ibikenewe birimo kubanza kumvikana kuri uyu mwanzuro nk’abagize ishyaka ANC mu gihugu hose na kongere yose ahashobora gutekerezwa undi ukandida. Gusa binavugwa ko iri shyaka rijagaraye ku buryo byarigora guhuriza abanyamuryango hamwe bumvikana ku kintu kimwe.

Ishyaka rimwe ritumvikana n’ubuyobozi bwa Zuma (DA/ Democratic Alliance) bivugwa ko ari ryo ryatangije urugamba rishimangira ko isura ya Perezida muri ruswa, kunanirwa kuyobora igihugu n’ibinyoma bidashobora gukomeza kwihanganirwa mu gihe abaturage bafite inzozi zo kubaka igihugu cyiza kurusha uko kimeze ubu.

JPEG - 45.9 kb
Jacob Zuma arotwa igitututu nyuma yo kwinjiza abakire b’abanyamahanga muri politiki y’igihugu

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE