Advertisement
 
 
 
 
 
 
 
 

Amakuru | Mu Mahanga

Abayobozi bijunditse Perezida Magufuli wabangiye kuza mu Rwanda mu nama   

  Yanditswe na IMVAHO NSHYA
 May 2016

 
 

Umugenzuzi w’imari ya Tanzania n’abo ayoboye bijunditse Perezida John Pombe Magufuli wabangiye kwitabira inama ijyanye n’akazi kabo yabereye mu Rwanda.

Ubwo Perezida Magufuli yari agitangira kuyobora Tanzania yategetse ko nta muyobozi mukuru wa leta wemerewe kujya mu butumwa mu mahanga atabonye uruhushya ruvuye muri Perezidansi.

Magufuli yasobanuye ko izo ngamba zigamije kugabanya amafaranga Leta y’icyo gihugu itakaza ku ngendo z’abayobozi mu mahanga.

JPEG - 61.9 kb
Umugenzuzi mukuru w’imari ya Tanzania, Prof Mussa Assad

Ariko umugenzuzi mukuru w’imari, Prof. Mussa Assad avuga ko iyo gahunda nubwo yashyiriweho kwirinda gusesagura, ihombya leta mu bundi buryo.

Ati” Nk’impuguke mfite inshingano zo kuvuga ibitagenda neza nkatanga n’inama z’uko byakemuka. Abo dukorana basabye uruhushya rwo kujya mu nama mu Rwanda, perezida ararubima. Nyamara izo nama ziba zifitiye igihugu akamaro. Iyo abayobozi bazitabiriye bunguka ubumenyi bakigira no ku bunararibonye bw’abandi bazitabiriye.”

Ikinyamakuru The Citizen dukesha iyi nkuru kivuga ko ushinzwe itangazamakuru muri Perezidansi ya Tanzania, Gerson Msigwa arabihakana akavuga ko nta bayobozi bangirwa kujya mu nama zifitiye igihugu akamaro.

Ati” Ingendo zo hanze zaraganyijwe ariko ntizavanweho burundu. Uretse kureba amafaranga turahatakariza, tunagenzura niba nta birangirika mu gihe uwo mukozi ari mu nama mu mahanga.”

Prof. Assad kandi yanavuze ko ikigo ayoboye kitari gukora neza kubera guhabwa amafaranga make. Yasobanuye ko mu mwaka ushize yasabye miliyari 8 z’amashilingi ya Tanzania ariko agahabwa 40% byayo gusa.

Uyu muyobozi yasabye Leta ya Tanzania gusubira mu mpinduka za hutihuti zigenda zishyirwaho na perezida Magufuli, bakareba niba ntacyo zaba zisubiza inyuma.
Abakurikiranira hafi politiki yo muri Tanzania, bemeza ko kuba hari byoroshye kuba hari umuyobozi wakwinubira impinduka za Perezida Magufuli; ahanini kuko bari bamaze igihe bakora ibyo bishakiye ku buyobozi bwa Jakaya Kikwete.

 

Comments

 
 
Intambara ishobora kuvuka kubera senateri wa USA watutse Kim Jong Un
Intambara ishobora kuvuka kubera senateri wa USA watutse Kim Jong Un

Koreya ya Ruguru yatangaje ko ishobora gushoza intambara kuri Leta Zunze Ubumwe za Amerika kubera Senateri John McCain watutse Perezida wayo, Kim Jong Un. McCain yavuze kuri Perezida Kim Jong (...)

U Buhinde: Abanyarwanda batsinze amarushanwa yo gukora imodoka ikoresha imirasire y’izuba
U Buhinde: Abanyarwanda batsinze amarushanwa yo gukora imodoka ikoresha imirasire y’izuba

Nubwo Kaminuza ya STES-Rwanda (Sinhgad Technical Education Society-Rwanda) iherereye mu Karere ka Kicukiro iri mu zahagaritswe by’agateganyo na Minisiteri y’Uburezi zitujuje ibyangombwa, (...)

USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.