2017-07-22 13:49:51 clouds 27o High | Kigali Rwanda

Dukurikire:
 
 

Abanyarwanda binjiye muri Uganda rwihishwa bakatiwe gufungwa amezi 8

Yanditswe na IMVAHO NSHYA

Kuya 2016-04-19 13:39:38

 
Share on:
 
Yasuwe:6
 
Yavuzweho:200
 
10
 
10

Urukiko rw’ibanze rwa Kisoro rwakatiye Abanyarwanda n’Abanyekongo 25 gufungwa amezi umunani bazira kwinjira muri Uganda mu buryo butemewe n’amategeko.

Mu rubanza rwayobowe n’umucamanza Charles Wako, ubushinjacyaha bwavuze ko bose bafatiwe ahitwa Kanaba hafi y’akarere ka Kabale ku ya 13 Mata nta byangombwa bibemerera kuba muri Uganda bafite.

Chimpreports ivuga ko bahamijwe icyaha cyo kwinjira mu gihugu mu manyanga hagendewe ku ngingo ya 53 na 66 z’itegeko rigenga Ubwenegihugu abinjira n’abasohoka muri Uganda.

Benshi muri bo bemeye icyaha ariko bamwe bavuga ko banyuraga muri Uganda berekeza i Nairobi muri Kenya gushaka akazi.

Umucamanza yavuze ko igihano bahawe gikwiye kubera isomo abandi binjira muri Uganda mu buryo butemewe. Yategetse ko Abanyekongo batandatu bafite abana basubizwa iwabo.

Abakatiwe ni Olivier Manilanume, Shyirambere Inicia, Mubanza Mutokambali, Dieu Isasilika, Kibibi Paul, Bamperekeze Festa, Nsengiyumva Albert, Ndayambaje Bernard, Kechine Bakurukira, Arakiza Sebagenzi, Nathan Achekema, Sadic Mfitumukiza, Emily Asumani, Jackson Habyayiman, Kamagera Bakavamyo n’abandi.

Urukiko rwanzuye ko nibarangiza ibihano byabo bazoherezwa mu bihugu baturutsemo.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE