2017-07-22 11:46:59 clouds 27o High | Kigali Rwanda

Dukurikire:
 
 

Abanyarwanda biga muri Uganda bibukijwe ko bagendana isura y’u Rwanda

Yanditswe na IMVAHO NSHYA

Kuya 2016-11-08 06:22:06

 
Share on:
 
Yasuwe:5
 
Yavuzweho:200
 
10
 
10

Abanyeshuri b’Abanyarwanda biga muri kaminuza zitandukanye muri Uganda basabwe guhesha isura nziza igihugu cyabo mu ruhando rw’amahanga bashingiye ku ndangagaciro z’umuco w’Abanyarwanda.

Aba banyeshuri babisabwe na Ambasaderi w’u Rwanda muri Uganda Frank Mugambage mu mperaz’icyumweru gishize 2016 ubwo aba banyeshuri bibumbiye mu ihuriro ry’Akanama gahuza abanyeshuri baturutse mu Rwanda biga muri Uganda batoraga komite nshya ibahagarariye ku rwego rw’igihugu.

JPEG - 122.4 kb
Ambasaderi w’u Rwanda muri Uganda Mugambage Frank, (uwa Gatatu uturutse ibumoso) ashyikirizwa icyemezo cy’ishimwe ryo gushyigikira abanyarwanda (Foto Irigoga C)

Amb.Mugambage yabibukije ko isura y’igihugu igaragarira mu baturage bacyo aho bari hose bityo bagomba gukora cyane baharanira kuba abambasaderi beza.

Ati “Mwebwe bayobozi bashya muri abambasaderi bacu, aho mujya hose muduhagararire mufite ishema.”

Amb. Mugambage yabijeje ubufatanye mu byo bazakenera, abibutsa ko kwishyira hamwe kwabo bizamura isura y’u Rwanda rugakomeza guhabwa agaciro.

Umuyobozi wungirije wa Gahunda ya ‘Ndi Umunyarwanda’ muri Uganda Gashegu Muramira yasabye abo banyeshuri kuba intangarugero mu zindi kaminuza bakishimira kuba Abanyarwanda mu byo bakora byose.

Amatora yakozwe asize Mutesi Chantal wiga muri St. Lawrence University iri mu murwa mukuru wa Uganda, Kampala asimbuye Kamanzi J. Pierre ku mwanya w’ubuyobozi.

Akanama gahuza abo banyeshuri kagizwe n’abayobozi 10 n’abandi babiri baturutse muri kaminuza 22 zigwamo n’urubyiruko rw’Abanyarwanda.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE