Advertisement
 
 
 
 
 
 
 
 

Amakuru | Mu Mahanga

Abanyarwanda bafite indangamuntu za Uganda bahumurijwe   

  Yanditswe na IMVAHO NSHYA
 April 2016

 
 

Ambasaderi w’u Rwanda muri Uganda, Frank Mugambage, yasabye Abanyarwanda bafite indangamuntu za Uganda kudahangayika nyuma yo kusabwa kuzisubiza no kuburirwa ko kuzitunga bishobora kubagiraho ingaruka.

Minisitiri w’Umutekano w’Imbere muri Uganda, Rose Akol, ku cyumweru yavuze ko Abanyarwanda bafite indangamuntu z’icyo gihugu bagomba kuzisubiza ku neza.

Ubwo yari ari gusuzuma imipaka ya Mirama na Kagitumba izafungurwa n’abakuru b’ibihugu byombi muri uku kwezi, Akol yabwiye abaturage ko azi neza ko hari abenegihugu b’u Rwanda bafite indangamuntu z’ibihugu byombi, ababwira ko ababuriye nubwo bo bataramenya ubukana bw’ingaruka zishobora kubageraho.

Ati”Bamwe muri bo batekereza ko byaborohereza gukora ibikorwa muri Uganda kuko bafite indangamuntu zacu, ariko ibyo bibangamira imicungire y’umutekano hagati y’ibihugu byombi.”

JPEG - 39.3 kb
Ambasaderi w’u Rwanda muri Uganda, Frank Mugambage

Ambasaderi Mugambage yabwiye itangazamakuru ko nta tangazo risaba Abanyarwanda gusubiza indangamuntu rirabageraho, ariko ko amategeko yo mu Rwanda yemerera abanyagihugu gutunga indangamuntu ebyiri.

Ati”Nta tangazo twari twabona kuri iyo ngingo; tubyumva mu binyamakuru gusa. Ariko twe ntacyo twishinja, niba umuntu afite ubwenegihugu bubiri ntabwo aba yishe amategeko kuko u Rwanda rubyemera.”

The New Times ivuga ko yongeyeho ko u Rwanda na Uganda bifitanye umubano n’amateka bikomeye ku buryo hagize ikibazo kivuka hagati yabyo hari inzego byanyuramo kigakemuka neza.

Ati” Ibi ndabivugira ko hari Abanyarwanda baba bahangayitse bibaza ibiri kuba. Ibiro by’abinjira n’abasohoka by’ibihugu byombi bihora bigirana inama ku gukemura ibibazo nk’ibyo bishobota kuvuka.”

“Ni amahitamo y’umuntu ku giti cye, niba wemerewe guhabwa ubwenegihugu bw’u Rwanda ntitwagusaba ko ubanza kuzibukira ubundi bwenegihugu wari ufite.”

Biteganyijwe ko umupaka umwe uhuza u Rwanda na Uganda uzafungurwa ku ya 23 Mata na Perezida Kagame na Museveni.

 

Comments

 
 
U Buhinde: Abanyarwanda batsinze amarushanwa yo gukora imodoka ikoresha imirasire y’izuba
U Buhinde: Abanyarwanda batsinze amarushanwa yo gukora imodoka ikoresha imirasire y’izuba

Nubwo Kaminuza ya STES-Rwanda (Sinhgad Technical Education Society-Rwanda) iherereye mu Karere ka Kicukiro iri mu zahagaritswe by’agateganyo na Minisiteri y’Uburezi zitujuje ibyangombwa, (...)

USA: Trump yananiwe gushyiraho itegeko risimbura ’Obamacare’
USA: Trump yananiwe gushyiraho itegeko risimbura ’Obamacare’

Perezida wa Leta Zunze Ubumwe za Amerika, Donald Trump, ku munota wa nyuma yanze ko inteko ishinga amategeko itora itegeko rigena uko Abanyamerika bivuza yari yashyizeho ngo risimbure ACA (...)

Centrafrique: Abasaga 20 baguye mu mirwano hagati y’imitwe yitwaje intwaro
Centrafrique: Abasaga 20 baguye mu mirwano hagati y’imitwe yitwaje intwaro

Abantu babarirwa muri 20 biganjemo abasivili baguye mu mirwano hagati y’imitwe yitwaje intwaro mu gace ka Bakouma muri Centrafrique muri iki cyumweru. AFP ivuga ko iyo mirwano yatangiriye mu (...)

Inkunga USA iha amahanga ishobora kuvaho
Inkunga USA iha amahanga ishobora kuvaho

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga (...)

Umuvugizi wa Polisi ya Uganda yarashwe arapfa
Umuvugizi wa Polisi ya Uganda yarashwe arapfa

AIGP Andrew Felix Kaweesi, umuvugizi wa Polisi ya Uganda yishwe arashwe mu gitondo cyo kuri uyu wa 17 Werurwe 2017. The New Vision ivuga ko yari imbere yiwe, ahitwa Kulambiro mu mujyi wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.