Advertisement
 
 
 
 
 
 
 
 

Amakuru | Mu Mahanga

Abanya Liberia barakajwe n’uko Perezida wabo yashimagije Abanyarwanda   

  Yanditswe na HERVE UGIRUMUKUNDA
 4 months ago

 
 

Perezida wa Liberia, Ellen Hohnson Sirleaf arahatirwa gusaba imbabazi abaturage kuko yabise, abanebwe , indashima ndetse ntibakunde igihugu cyabo nk’uko Abanyarwanda babikora.

Ubwo Perezida Sirleaf yari avuye mu Rwanda mu nama y’Ubumwe bwa Afurika, yavuze ko u Rwanda na Ethiopia byateye imbere kubera ubuyobozi bw’indashyikirwa.

Yongeyeho ko igihugu cye, Liberia, cyasigaye inyuma mu iterambere mu bukungu n’ibikorwaremezo mu karere no ku mugabane wa Afurika kuko abaturage bacyo ‘batitabira umurimo, bakaba abanebwe ntibagire n’ikinyabupfura.’

Tiawon Gongloe, umunyamategeko uharanira uburenganzira bwa muntu, ashimangira ko amaze imyaka 40 aharanira iterambere rya Liberia, gusa ngo ntiyiyumvisha ukuntu umukuru w’igihugu, Sirleaf atinyuka kwemera ko afite imiyoborere mibi n’abaturage be akabashinja ubunebwe.

Maitre Gongloe, asanga Perezida Sirleaf akwiye kubanza kwinenga ubwe mbere yo kunenga abaturage nk’uko Liberian Observer ibitangaza.

Ati” Guhindura abaturage no guteza imbere igihugu bisaba ubuyobozi bwiza, ni nabwo bwateje imbere u Rwanda na Ethiopia, ubuyobozi bwahinduye abaturage bubigisha ikinyabupfura, gukora cyane no gukunda igihugu.”

JPEG - 48.7 kb
Umunyamategeko Gongloe ati’Sirleaf nasabe imbabazi ’

Yongeyeho ko u Rwanda rwahindutse kubera rufite umuyobozi waruhinduye, Kagame, ariko Perezida Sirleaf ngo nta kindi amaze uretse kubwira abaturage be ko nta bushobozi afite.

Gongloe ati” Perezida Sirleaf ari kwemera ko yatsinzwe, ko amaze imyaka irenga icumi ayoboye Liberia, ariko iterambere riragenda biguru ntege. Ni inde se ukwiye kugawa? Ni abaturage? Oya! Akwiye kubanza akinenga ubwe.”

Uyu munyamategeko ababazwa no kuba Perezida Ellen Johnson Sirleaf akomeje guhabwa ibihembo mpuzamahanga , ashimirwa ibikorwa bya baringa.

Ati” Kuyobora igihugu ku mpinduka nk’izo u Rwanda rwagezeho bisaba umuyobozi ushoboye, ntabwo Sirleaf akwiriye kwitirira ubukene bwa Liberia imyitwarire y’abaturage, ntakwiye kuvuga ko imyitwarire y’abo mu bihugu byateye imbere iruta iy’Abanyaliberia.”

JPEG - 168.5 kb
Sirleaf aherutse mu Rwanda mu nama ya AU

Liberia ni igihugu cyashinzwe na Leta Zunze Ubumwe za Amerika mu 1820, cyoherezwamo abirabura b’abacakara. Aba birabura baranzwe no guha akato no gutoteza abaturage bahasanze bo mu bwoko bw’aba Krahn.

Mu 1980 Samuel Doe w’umu Krahn, yahiritse ku butegetsi Perezida Tolbert atangira kuyoboza igitugu ari nako atonesha abo mu bwoko bwe.

Ibi byatumye mu 1989 Charles Taylor wahoze ari minisitiri, ajya muri Cote d’Ivoire ashingayo umutwe witwaje intwaro wo guhirika Samuel Doe havuka intambara ya Mbere yarangiye mu 1997 hapfuye ababarirwa mu 600 000.

Nyuma y’imyaka ibiri gusa, indi mitwe yatangije intambara yo guhirika Charles Taylor, irangira mu 2003.

Perezida Ellen Johnson Sirleaf yatangiye kuyobora Liberia mu 1996, yizeza guteza imbere igihugu cyari kivuye mu ntambara.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RDC: EU irasabira ibihano 5 mu bashinzwe umutekano
RDC: EU irasabira ibihano 5 mu bashinzwe umutekano

Abagize Inteko ishinga amategeko y’Umuryango w’Ubumwe bw’u Burayi(EU), barasabira ibihano Abanyekongo 5 mu bashinzwe umutekano muri Repubulika iharanira demokarasi ya Congo (DRC) baregwa uruhare mu (...)

Abanzi ba Isiraheli bayitera guhora iryamiye amajanja
Abanzi ba Isiraheli bayitera guhora iryamiye amajanja

Isiraheli ni kimwe mu bihugu byo mu Burasirazuba bwo hagati gifite abanzi benshi. Kubera iyi mpamvu, ubutegetsi bw’iki gihugu cy’Abayahudi buhora bwiteguye mu rwego rwo kwirinda ibitero by’abanzi. (...)

Perezida Kagame yitabiriye inama idasanzwe ya CEEAC muri Gabon
Perezida Kagame yitabiriye inama idasanzwe ya CEEAC muri Gabon

Perezida Paul Kagame na Madamu Jeannette Kagame bitabiriye inama idasanzwe y’abakuru b’ibihugu bigize Umuryango w’ubukungu bw’ibihugu byo muri Afurika yo hagati (CEEAC) i Libreville muri Gabon, kuri (...)

Burundi: Willy Nyamitwe yarokotse urupfu
Burundi: Willy Nyamitwe yarokotse urupfu

Umuyobozi ukuriye ishami ry’itumanaho muri Perezidansi ya Leta y’u Burundi, Willy Nyamitwe, yarokotse igitero cy’abashakaga kumwica ku wa mbere tariki 28 Uguahyingo. Amakuru dukesha BBC agaragaza (...)

UK: Abanyarwanda barokotse Jenoside babangamiwe n’abayikoze bacyidegembya
UK: Abanyarwanda barokotse Jenoside babangamiwe n’abayikoze bacyidegembya

Ihuriro ry’Abanyarwanda barokotse Jenoside yakorewe Abatutsi baba mu Bwongereza babangamiwe cyane n’uko abagize uruhare muri iyi Jenoside yatwaye ubuzima bw’abasaga miliyoni bacyidegembya muri iki (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.