Advertisement
 
 
 
 
 
 
 
 

Amakuru | Mu Mahanga

Abamotari bo muri Kenya baje kwigira ku bo Rwanda   

  Yanditswe na IMVAHO NSHYA
 August 2016

 
 

Itsinda ry’Abanyakenya 112 barimo abamotari 95 baje mu ruzinduko rw’iminsi itanu mu Rwanda rugamije kwiga uburyo banononsora umurimo wabo.

Baherekejwe n’abayobozi b’intara ya Kisumu, bahagurutse muri Kenya mu gitondo cyo ku wa Kabiri. Guverineri w’iyo ntara, Jack Ranguma yavuze ko baje kwigisha abamotari baho isomo ryo kugendera ku murongo no kubaha amategeko nk’abo mu Rwanda ndetse n’uburyo bakwiteza imbere.

Ranguma yavuze ko abamotari binjiza imari nyinshi mu ntara ye, bikaba ari amahirwe adasanzwe kuba bagiye kwiga uko umwuga wabo ukorwa na bagenzi babo bo mu Rwanda.

Ati” Twizeye ko bazunguka ubumenyi bwinshi bagasangiza ubumenyi abo basize hano. Dushaka guca akavuyo muri uru rwego rukoresha abantu benshi cyane biganjemo urubyiruko.”

JPEG - 92.6 kb
Abamotari bo muri Kenya bakunze kuvugwaho akavuyo no kwikorera abarenze ubushobozi bwa moto

Yongeyeho ko abaje mu Rwanda ari abayobozi b’abatsinda y’abamotari n’abagore bakora uwo mwuga.

Bamwe mu bayobozi binubiye urwo ruzinduko

Umuyobozi Ushinzwe Gukurikirana imari ya Leta ya Kenya mu gace ka East Seme, Aggrey Ogosi ashinja guverineri wa Kisumu gusesagura umutungo wa Leta yohereza abo bamotari mu Rwanda.

Ogosi, washinzwe gukora inyigo no kugira inama leta ku buryo yaca akavuyo mu bamotari ashinja guverineri kwihutira kohereza abamotari kwigira mu Rwanda kandi atarigeze ashyiraho imbaraga ngo bakurikize amategeko asanzwe agenga ubwikorezi bw’ibintu n’abantu muri icyo gihugu.

The Standard dukesha iyi nkuru ivuga ko uwo muyobozi yagize ati” Ntabwo dukeneye kohereza abamotari mu Rwanda kandi ubuyobozi kugeza ubu ntacyo burakora ngo bubashyire ku murongo.”

Abamotari bo muri Kenya bavugwaho akavuyo no kuba icyanzu abajura bacaho bakiba rubanda.

Ni mu gihe abo mu Rwanda babumbiwe mu makoperative, bagashobora kwiteza imbere kandi bakaba bigishwa kwima amatwi abanzi b’igihugu n’abagizi ba nabi bashobora kubakoresha.

 

Comments

 
 
USA: Abapfumu bahuriye hamwe mu mihango yo kuroga Perezida Donald Trump
USA: Abapfumu bahuriye hamwe mu mihango yo kuroga Perezida Donald Trump

Abapfumu baturutse hirya no hino ku Isi, ku wa Gatanu bahuriye mu mujyi wa New York, imbere y’inyubako ‘Trump Tower’ ya Perezida wa Leta Zunze Ubumwe za Amerika, Donald Trump, mu muhango wo kumuroga (...)

Papa Francis ati ‘Umukirisitu w’indyarya arutwa n’uhakana ko Imana ibaho”
Papa Francis ati ‘Umukirisitu w’indyarya arutwa n’uhakana ko Imana ibaho”

Umushumba wa Kiliziya Gatolika, Papa Francis yanenze bamwe mu bayoboke b’idini rye birirwa baririmba ko ari abakirisitu ariko bagakora ibibi avuga ko barutwa n’abahakana ko Imana ibaho. Mu isomo (...)

USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.