Advertisement
 
 
 
 
 
 
 
 

Amakuru | Mu Mahanga

Abakirisitu gatulika 3000 bo mu Rwanda na Congo bakoze urugendo rw’amahoro i Bukavu   

  Yanditswe na BAHUWIYONGERA SYLVESTRE
 May 2016

 
 

Mu rwego rwo gushimangira ubufatanye n’ubuvandimwe busanzwe buranga Diyoseze gatulika ya Cyangugu yo mu Rwanda na Arikidiyoseze ya Bukavu muri RDC, abakirisitu bagera ku 3000 barimo abagera kuri 500 baturutse muri Diyoseze gatulika ya Cyangugu bahuriye mu rugendo rw’amahoro n’igitambo cya misa i Bukavu.

Mu rugendo rw’ibilometero birenga 6 kuva ku mupaka w’u Rwanda na RDC wa Rusizi ya mbere mu karere ka Rusizi, kugera ku cyicaro cya Arikidiyoseze gatulika ya Bukavu, mu mujyi rwagati wa Bukavu, aba banyarwanda n’abanyekongo berekanye ko ari abavandimwe koko.

Mu rugendo bakoze baririmbaga indirimbo zihimbaza Imana, bagaragaza ibyiza byo kubana kivandimwe nk’abana b’Imana imwe.

JPEG - 175.8 kb
Urugendo rw’amahoro rwakozwe n’abakirisitu 3000 bavuye mu Rwanda no muri Kongo (Foto Bahuwiyongera S)

Mu gitambo cya misa cyanitabiriwe na Minisitiri w’intara ya Kivu y’amajyepfo ushinzwe ubutegetsi bw’igihugu, umutekano, umuco no kwegereza abaturage ubuyobozi, Pasiteri Eciba Mboko Lutho na Perezida w’inteko ishinga amategeko y’intara ya Kivu y’amajyepfo Emile Baleke, abakirisitu bibukijwe guharanira amahoro.

Musenyeri François Xavier Maroyi, umushumba wa Arikidiyoseze gatulika ya Bukavu, yabwiye iyo mbaga ko kiliziya zombi zafashe umurongo wo guharanira amahoro n’ubufatanye mu bakirisitu babo.

Yakomeje avuga ko buri wese agomba guharanira ko mugenzi we abaho neza, ikiyaga cya Kivu n’umugezi wa Rusizi ntibibe umupaka, ahubwo bigafatwa nk’isangano rihuza abavandimwe bombi, bakagenderanira nta nkomyi.

Minisitiri Eciba Mboko Lutho, yagize ati:“ Abanyarwanda n’abanyekongo turi abavandimwe kuva kera, nubwo muri kano gace dutuyemo hagiye hagaragara umutekano muke watewe n’intambara zagiye zihibasira, hakaba n’imitwe y’abagizi ba nabi yakomeje kuhashinga ibirindiro, bigasa n’ibihungabanije umubano w’abaturage bacu.
Ariko turishimira ko icyizere cyagarutse, mukaba mukora ibikorwa byinshi bibahuza, nk’ibi by’amasengesho, ubusabane, ubucuruzi n’ibindi, tugashimira abasenyeri bombi imbaraga mushyira mu kubanisha abaturage bacu, tukaba tubari inyuma muri ibi bikorwa byiza mukora.”

Musenyeri Bimenyimana Jean Damascène, umushumba wa Diyoseze gatulika ya Cyangugu, yatangarije Imvaho Nshya ko hamaze gukorwa byinshi mu mubano mwiza w’abakirisitu ba Diyoseze zombi, bikaba bigomba kongerwamo ingufu bigakomeza.

Yagize ati:“Twashyizeho ihuriro COSOPAX ry’abagore bakora ubucuruzi bwambukiranya imipaka muri Diyoseze za Cyangugu, Uvira, Bujumbura na Arikidiyoseze ya Bukavu, rihuje abagore 60, hateganijwe n’ibindi byinshi tuzahuriraho.

Kuba tubasha guhuza imbaga ingana gutya y’ibihugu byombi, bagasengana, bagasabana nta bwishishanye, ni intambwe ikomeye yatewe mu mubano w’abaturage bombi kandi tuzayikomeza, tukifuza ko yagera mu madini n’amatorero yose, ari yo mpamvu nazanye na bamwe mu bapasiteri ngo baturebereho.”

Abakirisitu na bo bagaragaje ibyishimo baterwa n’ibi bikorwa byiza bibahuza, biyemeza gukomeza kubishyigikira.

 

Comments

 
 
USA: Abapfumu bahuriye hamwe mu mihango yo kuroga Perezida Donald Trump
USA: Abapfumu bahuriye hamwe mu mihango yo kuroga Perezida Donald Trump

Abapfumu baturutse hirya no hino ku Isi, ku wa Gatanu bahuriye mu mujyi wa New York, imbere y’inyubako ‘Trump Tower’ ya Perezida wa Leta Zunze Ubumwe za Amerika, Donald Trump, mu muhango wo kumuroga (...)

Papa Francis ati ‘Umukirisitu w’indyarya arutwa n’uhakana ko Imana ibaho”
Papa Francis ati ‘Umukirisitu w’indyarya arutwa n’uhakana ko Imana ibaho”

Umushumba wa Kiliziya Gatolika, Papa Francis yanenze bamwe mu bayoboke b’idini rye birirwa baririmba ko ari abakirisitu ariko bagakora ibibi avuga ko barutwa n’abahakana ko Imana ibaho. Mu isomo (...)

USA: Trump yavanyeho itegeko rigenera abafite ibitsina bibiri ubwiherero bwihariye
USA: Trump yavanyeho itegeko rigenera abafite ibitsina bibiri ubwiherero bwihariye

Ubuyobozi bwa Perezida wa Leta Zunze Ubumwe za Amerika, Donald Trump, bwavanyeho itegeko ryemerera abanyeshuri bafite ibitsina bibiri, cyangwa abafite imyitwarire idasa n’iy’igitsina bavukanye (...)

U Bwongereza: Abadepite bagiye impaka ku ruzinduko rwa Donald Trump
U Bwongereza: Abadepite bagiye impaka ku ruzinduko rwa Donald Trump

Abagize Inteko Ishinga Amategeko y’u Bwongereza bagiye impaka ku rugendo Perezida wa Leta Zunze Ubumwe za Amerika, Donald Trump azagirira mu gihugu cyabo mu minsi mike iri imbere. CNN ivuga ko (...)

Libya: Hatoraguwe imibiri y’abimukira basaga 70 bashakaga kujya i Burayi
Libya: Hatoraguwe imibiri y’abimukira basaga 70 bashakaga kujya i Burayi

Umuryango mpuzamahanga utabara imbabare, Croix-Rouge kuri uyu wa Kabiri watangaje ko watoraguye imibiri y’abimukira 74 bapfuye barohamye ubwo bashakaga kujya mu Burayi banyuze mu nyanja ya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.