2017-06-25 13:58:23 clouds 27o High | Kigali Rwanda

Dukurikire:
 
 

Abagaba b’ingabo ba USA baburiye Russia n’u Bushinwa ngo barwanye haca uwambaye

Yanditswe na IMVAHO NSHYA

Kuya 2016-10-06 15:08:32

 
Share on:
 
Yasuwe:28
 
Yavuzweho:200
 
10
 
10

Abajenerali bo mu ngabo za Leta Zunze Ubumwe za Amerika batangaje ko niharamuka habaye intambara hagati yabo n’u Bushinwa cyangwa u Burusiya izahitana benshi, ikangiza byinshi kandi ikarangira vuba.

Umwe muri bo Maj. Gen. William Hix avuga ko iyo ntambara izaba ifite ubukana buruta ubw’izindi zose zabaye mu myaka 60 ishize.

Asobanura ko intwaro zifite ubwenge bukorano n’izikoranye ikoranabuhanga rigezweho ryo kurasa urufaya zizatuma abatsinda batsinda vuba urugamba rukaba rugufi.

JPEG - 104.3 kb
U Bushinwa ngo bukomeje gushotora USA kubera inyanja yo mu majyepfo yabwo

Byavugiwe mu nama yahuje izo ngabo kuri uyu wa Kane yiga ku ntambara zishobora kuba mu gihe kizaza nk’uko Defense One ibitangaza.

Gen. Hix yanasobanuye ko u Burusiya n’u Bushinwa bikomeje gutera imbere mu ikoranabuhanga ry’ibisasu, ibi bikaba byaratumye USA yitegura ibihe by’akangaratete bitigeze bibaho kuva mu ntambara ya Korea.

Naho Lt. Gen. Joseph Anderson, umugaba wungirije ushinzwe ibikorwa, igenamigambi n’imyitozo yagize ati “USA iri gushotorwa n’ibihugu biri guhangana nayo mu ngufu za gisirikare. Ibyo ni nk’ibihe? U Burusiya.”

The Independent ivuga ko abo abajenerali banagaragaje impungenge ko abanzi babo bashobora kuzakora iyo bwabaga ngo babarushe umubare w’indege ndetse bakazabakoresha amacenga yo kubuza amato ya USA kugera aho imirwano iri kubera.

Umugaba w’ingabo Gen. Mark A Milley ati “Niyo mpamvu ingabo zirwanira ku butaka zizajya zibanza guhangana kugira ngo izo mu mazi zibone aho zica. Ibi bizatuma indege zacu zikora cyane mu gace turwaniramo.”

Igisirikare cya USA kandi cyatangaje ko cyiteguye kurwana intambara yo mu itangazamakuru na internet gukoresha itumanaho ry’ibyogajuru no kurwanira ahantu hagoranye nko mu mijyi.

JPEG - 35.4 kb
Urutonde rw’ibihugu bifite intwaro za kirimbuzi nyinshi

Ku wa Kabiri Leta y’u Burusiya yatangiye guha abaturage bayo imyitozo yo kwirinda mu gihe cy’intambara y’ibisasu bya kirimbuzi n’uburozi ishobora kuvuka hagati y’icyo gihugu n’u Burayi na Amerika.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE